Nov2010 WinterCrusade

 

FCCI Winter Crusade thuthangtha pawl kimcang ten na rak ngai asile na thlarau harhdamnak hrang a lo bawmtu asi thei:

 

1)      Mah le mah theihfiang awknak: Pathian hmaiah milai dinhmun, kan thlarau farahzia, mahte rundam aw thei lo, Pathian thawn pehtlaihnak a cat zo mi, mi farah, bawmtu nei lo, satan sal tang, sual man cawhkuan sankhuk thihnak lamzin zawh rero, sual mizia ih saltaang, Pathian lungawi ter dingin thiltha tuah thei mi nei lo, Pathian in milai a hmuhdan vekin mah le mah hmu awaw thei aw tu cu mi thlawsuak, mi lungawi an si. Pathian Thlarau in thutak eng in a thinlung sung a sun eng ih mai milaisinak diktak thei aw fiangtu, thlarau ah mi farah ka si ti a thei aw tu cu mi thlawsuak lungawi asi:

Online video link: http://vimeo.com/17205286

 

 

2)      Thlarau hrang riahsiatnak: Mai milai thlarau sankhuk dinhmun, Pathian hmaiah mi farah zingzahza, thihnak lamzin zawh ka si ti a thei aw fiangtu, nun thianghlim Patian duhzawng tuah tum tikah tisa mizia sual in a duhlo zia le mai tisa mizia sualnak ih ttawnttemnak sungah ninghang lungsia in riahsiatnak a tuartu mi thlawsuak an si: Leitlun milai hrangah riahsiat thlakbik mi cu thlarau thihnak, sualsang ah tannaka si;

Onlien video link: http://vimeo.com/17205320

 

 

3)      Lungnem tangdor: Pathian hmai ah milai thlarau dinhmun fiangten a thei tu, sualsal tang, Satan fa, sankhuk hremhmun tuar ding, mahte runsuak aw thei lo, mai sinak diktak thei fiang aw tu hmuahhmuah an thinlung a kekkuai ih Pathian in thinlungthar, a pek. Lungto vekin ahak mi cu titsa vekin a nemmi thinlungthar thawn Pathian in a thlengsak. Cuvek lungnem tangdor thinlung a neitu pawl cu mi thlawsuak an si.

Onlien video link: http://vimeo.com/17205398

 

4)      Nun tihaal rinrawng:  Thihnak lamzin zawh in sankhuk hremhmun lamzin ka pan rero asi ti a thei fiang aw tu, thiltha tuahthei loin mangbang vansang in thinlung a kekkhuai mi pawl cu an sung muril ihsin Pathian hmaiah miding, mawh nei lo, rundamnak cu a haal asi. Pathian ih dingnakcu an haal ih Pathian thawn rualrem sal thei dingin dingnak cu zuukneng tihaal in thalcan ih sihti a ngai bangin an ngai asi. Cutin Pathiang ih dingnak ahaal tu pawlcu mi thlawsuak an si:

Online video link: http://vimeo.com/17205409

 

5)      Mi zangfah thiamtu pawl cu mi thlawsuak an si: A tlunlam ih tarlangmi milai dinhmun ihsin runsuak zomi pawl cun a hlan ih anmai dinhmunah a ding lai tu, hellram lamzin ah satan in a khawr rero mi pawl parah zangfahnak an nei, cuvek thotho in satan bumnak sualsal sungah a tang rero tu pawl parah zangfahnak an nei ih anmai leitlun nunnak cu Pathian duhdawt thlawsuah luansuak nak hrangah an hmang aw asi.Cuvekin midang hrangah Pathian tumtah mi tuansuak dingin a nungtu pawl cu mi thlawsuak an si.

Online video: http://vimeo.com/17230741

 

 

6)      Thinlung thiang: Mai milai thinhmun thei fiang aw tu, ninghang lungsia in Pathian ih runnak haal duahdo tu, thinlung kekkuai in Pathian rundamnak a hawltu pawl sunglam nunah Pathian in lungto vekin a hakmi an lei tisa thinlung cu a thlengsak ih a nemmi le a thianghlimmi thinlungthar apek asi. Cutin Pathian in thinlung thiang le a thar apek mi pawl cu mi thlawsuak an si.

Online video:

A: http://vimeo.com/17231055

B: http://vimeo.com/17231278

 

7)      Remdaihnak hnatuan palai: Pathian in an thlarau a rundam zo ih an thinlung a thleng sak zo mi pawl cun anmai co mi rundamnak thuthangtha, Pathian thawn rualremnak Thuthangtha cu a co hrih lo tu pawl hnenah sim loin an um thei lo, an sim, an ausuahpi asi.Cutin Pathian le milai karlak rualremnak hnatuan cu an leitlun damsung hnatuan ah ruat in nitin an nung. Curualrualin an kiangkap milaipawl thaw khalin a cang theinak poh ah rualrem ten remdaihnak suahpi tu nunpi tu an si. Buainak, huat awknak, le siatnak tipungtu tisa nunhlun pawl an tlansan zo. Cutin, Zesu Khrih ih cawimawinak ttawmpi tu kan si vekin leitlun ah Pathian le a sersiammi rualremnak hnatuan cu an liangparah phur in an tuan asi. Cutin leitlun ah Pathian palai, remdaihnak palai an si. Cu pawl cu mi thlawsuak an si:

Online video: http://vimeo.com/17236054

 

8)      Milai lungawi diriamnak sangbik: Cutin Pathian thawn rualremnak a co zo tu, Pathian hmaiah miding sinak a co zo tu, an thlarau natnak tidam in a um zo tu, thinlungthar thinlung nem tangdor thinlung le a thiangmi thinlung pek zomi, midang hrangah Pathian tumtah mi cu tumtah in Pathian a duhbik tu pawl cu leitlun ah milungawibik an si.

Online video link: http://vimeo.com/17251052

 

 

9) Milai leitlun damsan le lungawinak a pehtlaih awkzia: Pathian duhdawttu pawl cun Pathian lungawinak thupi bik ah an ruatih Pathian lungawinak ah an lung a awi! An thinlung, ruahnak le cahnakzapi ten Pathian an duhdwt asi.

http://vimeo.com/17251860

 

9)      Zumtu le leitlun nun harsatnak: Ziangruangah zumtu, Pathian fate pawlin leitlun nun sungah harsatnakkan tawng theu? Timi cu mi tampi thusuhnak asi theu. Kan theihthiam lomi kan tawng, kan duhmingah loin kan duhlomikan tawng ringring theu.Ziangruangah?

Online sermon video link: http://vimeo.com/17258535

 

 

 

10)  Thuthennak: Mi zapi ten Bawi Zesu, Siangpahrang lal tohkham hmaiah kan ding dingih kan thu relsakkan si lehding:

Online sermon video link:

A: http://vimeo.com/17205420

B: http://vimeo.com/17205435

 

11)  The Great Commission: Tuanvo peknak, Bawi Zesu in a dungthluntu pawl hnenah acah neta bikmi tuanvo peknak: Pathian zumtu pawl, rundamnak a co zo tu pawlin kan comi rundamnak Thuthangtha cu kanmai hrang lawngah si loin leitlun miphun zapi hnenah simsuak ding a sizia:

Online sermon video link:

http://vimeo.com/17278225

 

12)  Pastor Norman, kum 83 asi zo mi, kum 60 lenglo Pathian rawngbawltu, kawlram sungah Bible tlawng 11 dinsuahnak ding hrang sumpai hawl in bawmtu, voi 14 kawlram tlawngin Kawlram mipi hrang thuthangtha raksim rero zo tu in Kawlram (Chin) mipawl a duhdawtnak cu a kumkhua in Pathian hmaiah a umpi dingmi, Khrih ah unau za kan sinak ruangah asi ti ah a sim. A tar hnu tiangah Kross parah Pathian ih duhdawtnak a langmi cu laimi pawlin a co lo an um pang peimaw tiah ruat in a duhsaknak sermon, Kross parah thupi pathum:

Online sermon video:

http://vimeo.com/17258554

 

13) Milai lungawinak: Dr. Ning, America ramih laimi nunau Doctor of Ministry zirsuak tu in a hmuhmi le tawnmilak ihsin Bawipa ah cawlhhhahdam ding kan sizia thu a simmi:

Online sermon video link: http://vimeo.com/17258582

 

Comments