FCCI‎ > ‎

Zumnak thurin

1. Zumnak thuhram thuken: FCCI kawhhran ih tumtah mi cu, zalen zet le nuamzetin Pathian biak tlang, Thuthangtha karhzainak hrang rawngbawl le zumtu unau pawl zumnak le duhdawtnak ah hmasawn dingin bawmbawi awk ding asi. Bible sung um thu pawl cu Pathian thawkkhummi asi vekin zirh awknak, nun simnak, nun remnak, kaihruai awknak, le dingfelnak thuhram asi ih FCCI cun Bible thuken hnuai ah tuhlut aw in a cangvai ding, (II Tim 3: 16).Thurin tlangpi khaikhawm cu a tanglei vekin asi.

i. Baibal / Pathian Thu Thianghlim, Thuthlunghlun le ThuthlungThar cu Pathian thawkkhum mi asi ih sual theilo (a ttobulbik ih rak nganmi) asi. Milai in Pathian an theihnak, rundamnak an co theinak ding lamzin, zumtu nun le zumnak hrangah Pathian puan suah awknak asi.
ii. Pathian cu Thumkom Pathian asi: Pa Pathian, Fapa Pathian le Thlarau Thianghlim Pathian. Asinan, an zate in Pathian pakhat, cem ni neilo, kumkhaw tlaitluan ih um, hmun zakip le kumkhaw zariat, ziang hmuahhmuah tuahtu, (omnipresence, omnipotence, omniscience), sual theilo le sawiselbo, theikim Pathian asi.
iii. Zisu Khrih cu milai sinak le Pathian sinak za-ah-za nei mi milai taksa in a thuam aw ih thihnak ihsin a tho sal. Thlarau Thianghlim hnatuannak in fala thianghlim Mary in Zisu Khrih cu a pumsungah naute in a pai ih leitlun ah milai sinak nei in a piang. Kross parah taksa in a thih hnu ah thihnak cu neh tahratin thlan khur sung ihsin a thohsal hnu ah vancung Pa Pathian hnenah a feh. A tu ah amah zumtu milai pawl hrangah Puithian Sangbik tuan in Cungnungbik Pathian ih vawrhlam ah a to.
iv. Pathian tumtah bangin Zisu Khrih cu taksa rori in hi leitlunah a ra kirsal dingih amah zumtu pawl kumkhua nunnak hmunah a hruai ding.
v. Thlarau Thianghlim cu Pathian sinak famkim a nei ih Pathian zumtu pawl ih biak le cawimawi ding asi.
vi. Thlarau Thianghlim hnatuannak pawl cu Lal/Bawi Zisu Khrih cawimawi, milai thlengawk nak, misual pawl an sual theihter le zumnak neiter, zumtu pawl cencilh, kaihhruai, zirh, thunun, Pathian mi pawl nitin nunnakah le rawngbawlnak ah ti cak tu asi.
vii. Milai cu Pathian hmuihmel keng in Pathian sersiam mi asi.
viii. Milai cu sual ah a tluk siat ruangah a hloral, a thlarau a thi, Pathian thawn pehzawm awknak nei nawn lo mi asi.
ix. Zisu Khrih in a thisen sunglawi a thlet mi thawn a tlennak ruangah milai cu Pathian hmaiah thiamcoter si in rundamnak pek asi.
x. Pathian laksawng pek mi Pathian fapa zumnak ruangah milai cu rundam asi ih Pathian fa sinak cu a co.
xi. Pathian zumtu, Thlarau Thianghlim in Khrih ah a sersiamthar mi, Pathian innsang sungtel pawl bur khawm aw mi cu kawhhran ti ah kawh asi, Khrih ih taksa peng zawm an si vekin kawhhran ih lu cu Khrih asi.
xii. Zisu Khrih ah sersiam thar zo mi pawl cu kawhhran theihpi nakin Baptisma pek an si.
xiii. Kawhhran sungtel pawl cun Bawipa’ ratsal hlan lo, amah theihhngilh lo nak ding hrangah Bawipa zanriah kilkhawm asi.

BAPTIST ZUMNAK LE THUKEN (The Baptist Faith and Message)

I.               THU HIANGHLIM (The Scriptures)

 

            Bible Thianghlim cu milai hnenah Pathian a phuansuah awknak thupuan asi ih Pathian thawkkhawmnak in milai ih nganmi asi. Pathian ih in zirhnak famkim ro sunglawi asi. Pathian cu thuhram suahnak asi ih rumdannak cu a tumtahtawp si in a sungthu cu palhnak umloin thutak. Curuangah Thuthiang hmuahhmuah cu a zaten rinsan tlak a dikmi asi. Pathian in milai parah lai a reldan pawl in sim ruangah leilungtawp tiang a hmun dingih khrihfa pawl pumkhat sinak thuhrampi, milai zapi ten nuntu dan milai nun thuken, biaknak lam ruahnak thuhrampi khal asi. Thuthiang zapi ten Khrih theihpitu asi ih Pathian thupuan ih a simfiangbikmi khal asi.

The Holy Bible was written by men divinely inspired and is God's revelation of Himself to man. It is a perfect treasure of divine instruction. It has God for its author, salvation for its end, and truth, without any mixture of error, for its matter. Therefore, all Scripture is totally true and trustworthy. It reveals the principles by which God judges us, and therefore is, and will remain to the end of the world, the true center of Christian union, and the supreme standard by which all human conduct, creeds, and religious opinions should be tried. All Scripture is a testimony to Christ, who is Himself the focus of divine revelation.

Exodus 24:4; Deuteronomy 4:1-2; 17:19; Joshua 8:34; Psalms 19:7-10; 119:11,89,105,140; Isaiah 34:16; 40:8; Jeremiah 15:16; 36:1-32; Matthew 5:17-18; 22:29; Luke 21:33; 24:44-46; John 5:39; 16:13-15; 17:17; Acts 2:16ff.; 17:11; Romans 15:4; 16:25-26; 2 Timothy 3:15-17; Hebrews 1:1-2; 4:12; 1 Peter 1:25; 2 Peter 1:19-21.

II.             Pathian (God)

A nungmi Pathian diktak cu pakhat lawng a um. Amah cu fimnak, thlarau, bulpak nunnak, Sersiamtu, Rundamtu, Kilhimu, sersiammi ziangkim Uktu asi. Kilkip famkimnak ah siseh thianhlimnak ah siseh tahthim ding um lomi asi. Pathian cu ziangkim ti thei, ziangkim thei asi; ziangkim a theihnak cu ziangkim a huap, tuihlan thil cang zomi, hlan thu, a tu ah a cang rero laimi, a cang lai dingmi, le a sersiammi pawlih duhhril nak in thuthluknak an tuah dingmi pawl tiang a huap theh asi. Amah cu a sangbik duhdawtnak, upatnak le thungainak thawn sunloih ding kan si. A sunglam thu ah thumkom Pathian asinak cu kan hnenah Pa, Fapa, le Thiang Thlarau in a lang ih pakhat ciar in a pak sinak nei nacingin Pathian pakhat sinak, a nungmi, a ummi sinak a thenthek ter cuan glo.

There is one and only one living and true God. He is an intelligent, spiritual, and personal Being, the Creator, Redeemer, Preserver, and Ruler of the universe. God is infinite in holiness and all other perfections. God is all powerful and all knowing; and His perfect knowledge extends to all things, past, present, and future, including the future decisions of His free creatures. To Him we owe the highest love, reverence, and obedience. The eternal triune God reveals Himself to us as Father, Son, and Holy Spirit, with distinct personal attributes, but without division of nature, essence, or being.

A. Pa Pathian (God the Father)

Pa Pathian in a zangfahnak hnuaiah a tumah vekin lei le van sersiammi parah siseh milai thuanthu thleng aw rero mi parah siseh sersiammi ziangkim parah a uk in a kilveng asi. Ziangkim ti thei cakkim, thei kim, duhdawtnak in famkim, le fimnak in a famkimmi asi. Jesuh Khrih ah Pathian fate zapi te hrangah Pa Pathian cu thutak Pa asi. Milai zapi te parah Pa lungput neitu asi.

God as Father reigns with providential care over His universe, His creatures, and the flow of the stream of human history according to the purposes of His grace. He is all powerful, all knowing, all loving, and all wise. God is Father in truth to those who become children of God through faith in Jesus Christ. He is fatherly in His attitude toward all men.

Genesis 1:1; 2:7; Exodus 3:14; 6:2-3; 15:11ff.; 20:1ff.; Leviticus 22:2; Deuteronomy 6:4; 32:6; 1 Chronicles 29:10; Psalm 19:1-3; Isaiah 43:3,15; 64:8; Jeremiah 10:10; 17:13; Matthew 6:9ff.; 7:11; 23:9; 28:19; Mark 1:9-11; John 4:24; 5:26; 14:6-13; 17:1-8; Acts 1:7; Romans 8:14-15; 1 Corinthians 8:6; Galatians 4:6; Ephesians 4:6; Colossians 1:15; 1 Timothy 1:17; Hebrews 11:6; 12:9; 1 Peter 1:17; 1 John 5:7.

B. Fapa Pathian (God the Son)

Khrih cu sankhuk Pathian Fapa asi. Jesuh Khrih cu milai taksa in a rung thuam awk tikah Thiang Thlarau hnatuannak in fala thianghlim Mary ih hrinmi asi. Jesuh ih Pathtian duhnak cu famkim zetin a langter ih a thlun asi, milai mizia thawn taksa in a thuam aw aw ih milai lakah milai vekin a nung, asinan sualnak  a nei lo. Pathian thu thlunnak cu Pathian daan cu a parah a famkim ter ih kross parah aiawh thih tuar nak in milai hrangah sual ihsin luatnak a tuah sak asi. Khenbet asi hlanah milai lakah a tlangleng. A thawhsal hnu ah a tu ahcun vancung ramah Pa ih vorhlam khapah to in, milai sinak zaahza le Pathian sinak zaahza nei in amah cu Palai umsun pakhat, Pathian le milai karlakah remnak tuahtu asi. Huham cahnak le cawimawinak thawn a ra kirsal dingih leitlunah thuthen in a rundamnak hnatuan famkim ter asi ding. Amah zumtu zapi te sungah a kumkhua a nungmi si in a cencilh asi.

Christ is the eternal Son of God. In His incarnation as Jesus Christ He was conceived of the Holy Spirit and born of the virgin Mary. Jesus perfectly revealed and did the will of God, taking upon Himself human nature with its demands and necessities and identifying Himself completely with mankind yet without sin. He honored the divine law by His personal obedience, and in His substitutionary death on the cross He made provision for the redemption of men from sin. He was raised from the dead with a glorified body and appeared to His disciples as the person who was with them before His crucifixion. He ascended into heaven and is now exalted at the right hand of God where He is the One Mediator, fully God, fully man, in whose Person is effected the reconciliation between God and man. He will return in power and glory to judge the world and to consummate His redemptive mission. He now dwells in all believers as the living and ever present Lord.

Genesis 18:1ff.; Psalms 2:7ff.; 110:1ff.; Isaiah 7:14; 53; Matthew 1:18-23; 3:17; 8:29; 11:27; 14:33; 16:16,27; 17:5; 27; 28:1-6,19; Mark 1:1; 3:11; Luke 1:35; 4:41; 22:70; 24:46; John 1:1-18,29; 10:30,38; 11:25-27; 12:44-50; 14:7-11; 16:15-16,28; 17:1-5, 21-22; 20:1-20,28; Acts 1:9; 2:22-24; 7:55-56; 9:4-5,20; Romans 1:3-4; 3:23-26; 5:6-21; 8:1-3,34; 10:4; 1 Corinthians 1:30; 2:2; 8:6; 15:1-8,24-28; 2 Corinthians 5:19-21; 8:9; Galatians 4:4-5; Ephesians 1:20; 3:11; 4:7-10; Philippians 2:5-11; Colossians 1:13-22; 2:9; 1 Thessalonians 4:14-18; 1 Timothy 2:5-6; 3:16; Titus 2:13-14; Hebrews 1:1-3; 4:14-15; 7:14-28; 9:12-15,24-28; 12:2; 13:8; 1 Peter 2:21-25; 3:22; 1 John 1:7-9; 3:2; 4:14-15; 5:9; 2 John 7-9; Revelation 1:13-16; 5:9-14; 12:10-11; 13:8; 19:16.

C. Thlarau Thianghlim Pathian (God the Holy Spirit)

Thlarau Thianghlim cu Pathian thlarau asi ih Pathian sinak famkim a nmei. Thlunghlun san lai ih Pathian mithianghlin pawl kha Thuthiang ngan dingin a thawkkhum hai. Cencilh tahrantin thutak thei thei dingin milai pawl a bawm. Khrih a sunlawih. Milai pawl hnenah sual, dingfelnak, le thuthennak pawl a theihfiang ter. Rundamtu hnenah milai pawl a hruai ih hrintharnak a neihter. Hrinthar nak thawn cawp le cilh in Khrih ih ruangpum sungah zumtu pawl cu tihnimnak a pek. Kawhhran sungah Pathian an rian thei nak ding hrangah zumtu pawl nunah khristian mizia a thanlenter ih zumtu pawl thazang a pek, cutin thlarau laksawng pawl famkimtern a neihter hai. Nineta rundamnak ni hrangah zumtu pawl cu seal a khen hai. Khrihfa pawl cu Khrih hmuihmel an ken famkim thei nak dingah a umpi ringring. Pathian riannak, thangtharnak, le Thuthangtha karhzai ternak ah zumtu pawl mit a vangter ih huham cahnak a neihter.

The Holy Spirit is the Spirit of God, fully divine. He inspired holy men of old to write the Scriptures. Through illumination He enables men to understand truth. He exalts Christ. He convicts men of sin, of righteousness, and of judgment. He calls men to the Saviour, and effects regeneration. At the moment of regeneration He baptizes every believer into the Body of Christ. He cultivates Christian character, comforts believers, and bestows the spiritual gifts by which they serve God through His church. He seals the believer unto the day of final redemption. His presence in the Christian is the guarantee that God will bring the believer into the fullness of the stature of Christ. He enlightens and empowers the believer and the church in worship, evangelism, and service.

Genesis 1:2; Judges 14:6; Job 26:13; Psalms 51:11; 139:7ff.; Isaiah 61:1-3; Joel 2:28-32; Matthew 1:18; 3:16; 4:1; 12:28-32; 28:19; Mark 1:10,12; Luke 1:35; 4:1,18-19; 11:13; 12:12; 24:49; John 4:24; 14:16-17,26; 15:26; 16:7-14; Acts 1:8; 2:1-4,38; 4:31; 5:3; 6:3; 7:55; 8:17,39; 10:44; 13:2; 15:28; 16:6; 19:1-6; Romans 8:9-11,14-16,26-27; 1 Corinthians 2:10-14; 3:16; 12:3-11,13; Galatians 4:6; Ephesians 1:13-14; 4:30; 5:18; 1 Thessalonians 5:19; 1 Timothy 3:16; 4:1; 2 Timothy 1:14; 3:16; Hebrews 9:8,14; 2 Peter 1:21; 1 John 4:13; 5:6-7; Revelation 1:10; 22:17.

III.           Milai (Man)

Milai cu Pathian in a hleicu in amai hmuihmel kengin a sersiammi asi. A sersiammi parah thu neitu dingah nunau le mipa a sersiam. Nunau mipa sinak cu Pathian ih sersiammi thatnak pakhat asi. A hram thawk ah milai su sualnak thei dah lo asi ih Pathian in duhhril theinak a neihter mi asi. Amai duhhrilnak cu milai cu sualnak sungah a tla lut ih cuticun milai hmuahhmuah sualnak sungah a luhpi. Satan thlemnak ruangah milai cu Pathian dan pahbal in sual a tuah ih a hram thawk ih mawh nei lo dinhmun ihsin sual fate ah a cang. Cuticun milai mizia cu sual cithlah asi zo ih a umnak leitlun khal sual lam hawi ah a canglan ta. Curuangah milai duhhril thei asinak cu daan pahbaltu ah a cang ih mawhsianak hnuai ah a thleng asi. Pathian zangfahnak lawngin milai cu Pathian thawn a thianghlimmi pehtlaih awknak hnuai ah a thlenpi thei ih Pathian in milai a sersiam tikah Pathian tumtah pawl khal Pathian zangfahnak lawngin milai in a tuah famkim thei asi. Pathian in amai hmuihmel kengin a sersiam ruangah bulpak pakhat ciar nun ah milai cu sunglawi zet sinak a nei ih milai hrangah Khrih a thihnak ruangah milai zokhal ziang miphun asi khal le a sunglawi zetmi bulpak sinak nei in upat tlak le khristian duhdawtnak cohlang tlak asi.

Man is the special creation of God, made in His own image. He created them male and female as the crowning work of His creation. The gift of gender is thus part of the goodness of God's creation. In the beginning man was innocent of sin and was endowed by his Creator with freedom of choice. By his free choice man sinned against God and brought sin into the human race. Through the temptation of Satan man transgressed the command of God, and fell from his original innocence whereby his posterity inherit a nature and an environment inclined toward sin. Therefore, as soon as they are capable of moral action, they become transgressors and are under condemnation. Only the grace of God can bring man into His holy fellowship and enable man to fulfill the creative purpose of God. The sacredness of human personality is evident in that God created man in His own image, and in that Christ died for man; therefore, every person of every race possesses full dignity and is worthy of respect and Christian love.

Genesis 1:26-30; 2:5,7,18-22; 3; 9:6; Psalms 1; 8:3-6; 32:1-5; 51:5; Isaiah 6:5; Jeremiah 17:5; Matthew 16:26; Acts 17:26-31; Romans 1:19-32; 3:10-18,23; 5:6,12,19; 6:6; 7:14-25; 8:14-18,29; 1 Corinthians 1:21-31; 15:19,21-22; Ephesians 2:1-22; Colossians 1:21-22; 3:9-11.

IV. Rundamnak (Salvation)

Rundamnak timi cu milai pumhlum rundamnak a si. Rundamnak cu amai thisen in sankhuk hrang milai rundamnak tuansuaktu Jesus Khrih cu Lal le Rundamtu ah a cohlangtu pawl hnenah a lakmi pek asi. Rundamnak in hrintharnak, thiamcoternak, thianternak, le cawimawinak pawl a huap tel theh asi. Jesuh Khrih ah bulpak zumnak siar lo rundamnak lamzin dang a um lo.

A.   Hrintharnak, lole piantharnak, cu Pathian zangfahnak hnatuan asi ih Jesuh Khrih ah zumtu cu sersiamtthar a sinak asi. Thiang Thlarau hnatuannak in thinlung thlengnak asi ih sual theihternak ihsin misual in sual sirnak le Jesuh Khrih ah zumnak thawn Pathian hnenah kirsalnak asi.

Sir awknak cu sual ihsin Pathian hnenah kirsalnak asi. Zumnak timi cu Jesuh Khrih cu bulpak rundamtu le Bawi ah nun pumhlum hlan in cohlannak, nun ap awknak asi.

B.    Thiamcoternak cu sual sir in Jesuh Khrih a zumtu hmuahhmuah misual pawl kha Pathian in a zangfahnak le dingfelnak in a tuansuahmi asi. Thiamcoternak in zumtu Patkhat cu Pathian thawn remdai ten pehtlaihnak le Pathian mithmaitha cotu sinak a nei.

C.    Thianternak timi cu hrintharnak ihsin a thawkmi asi ih nitin hmawhtawnmi ah Pathian tumtah hrangah zumtu cu rethran mi asi ih Thlarau Thianghlim cencilhnak le hnatuannak in thlarau le thinlung ken lamah pitling nun pan dingin thansoh vivo naka si. Pathian zangfahnak hnuai ah thansohnak cu zumtu pakhat leitlun nunsung pehzawm vivo ding mi asi.

D.   Cawimawinak cu rumdanmi parah thleng awknak netabik thlawsuah famkimnak asi.

Salvation involves the redemption of the whole man, and is offered freely to all who accept Jesus Christ as Lord and Saviour, who by His own blood obtained eternal redemption for the believer. In its broadest sense salvation includes regeneration, justification, sanctification, and glorification. There is no salvation apart from personal faith in Jesus Christ as Lord.

A. Regeneration, or the new birth, is a work of God's grace whereby believers become new creatures in Christ Jesus. It is a change of heart wrought by the Holy Spirit through conviction of sin, to which the sinner responds in repentance toward God and faith in the Lord Jesus Christ. Repentance and faith are inseparable experiences of grace.

Repentance is a genuine turning from sin toward God. Faith is the acceptance of Jesus Christ and commitment of the entire personality to Him as Lord and Saviour.

B. Justification is God's gracious and full acquittal upon principles of His righteousness of all sinners who repent and believe in Christ. Justification brings the believer unto a relationship of peace and favor with God.

C. Sanctification is the experience, beginning in regeneration, by which the believer is set apart to God's purposes, and is enabled to progress toward moral and spiritual maturity through the presence and power of the Holy Spirit dwelling in him. Growth in grace should continue throughout the regenerate person's life.

D. Glorification is the culmination of salvation and is the final blessed and abiding state of the redeemed.

Genesis 3:15; Exodus 3:14-17; 6:2-8; Matthew 1:21; 4:17; 16:21-26; 27:22-28:6; Luke 1:68-69; 2:28-32; John 1:11-14,29; 3:3-21,36; 5:24; 10:9,28-29; 15:1-16; 17:17; Acts 2:21; 4:12; 15:11; 16:30-31; 17:30-31; 20:32; Romans 1:16-18; 2:4; 3:23-25; 4:3ff.; 5:8-10; 6:1-23; 8:1-18,29-39; 10:9-10,13; 13:11-14; 1 Corinthians 1:18,30; 6:19-20; 15:10; 2 Corinthians 5:17-20; Galatians 2:20; 3:13; 5:22-25; 6:15; Ephesians 1:7; 2:8-22; 4:11-16; Philippians 2:12-13; Colossians 1:9-22; 3:1ff.; 1 Thessalonians 5:23-24; 2 Timothy 1:12; Titus 2:11-14; Hebrews 2:1-3; 5:8-9; 9:24-28; 11:1-12:8,14; James 2:14-26; 1 Peter 1:2-23; 1 John 1:6-2:11; Revelation 3:20; 21:1-22:5.

V. Zangfahnak ah Pathian Tumtah (God's Purpose of Grace)

Pathian ih hrilmi sinak cu Pathian zangfahnak ih tumtahmi asi ih a hrilcia mi pawl cu A hrinthar hai, thiam a co ter ih a thianter hai, cutin misual cu cawimawinak ah a thlenpi asi. Acuih thutak cu milai duhril theinak thawn a kaih aw ih milai in a tawpnak thleng thei dingin Pathian hmanrua pawl theihfengnak thawn a kaih aw theh asi. Pathian ih hrilmi sinak cu Pathian mangbangza thatnak langtertu asi ih theihban lo fimnak in a khat, a thianghlim, ih thleng theih asilo. Milai lamah porh awknak ding zianghman a suahter lo ih tangdor nun a suahter sawn asi.

Zumtu diktak pawl cun a tawptiang an tuar thlang theh asi. Khrih ah Pathian in a cohlan zo mi pawl, Thiang Thlarau ih thiantermi pawl cu Pathian zangfahnak lenglam ah an tluse lanta dah lo dingih a tawptiang an tuar thlang ding asi. Zumtu pakhat cu thlennak sungah daithlan ruangah siseh an thlu se thei; cutin Thiang Thlarau an ti riahsia ih Pathian humhimnak le zangfahnak an sun phah thei ih Khrih hrangah that lonak an suahpi in can tawite sung hremnak an tuar phah thei asi; asinan rundamnak tlamtling hlen suak thei dingin Pathian huham cahnak in zumnak lamzin tluan ah a kilhim hai asi.

Election is the gracious purpose of God, according to which He regenerates, justifies, sanctifies, and glorifies sinners. It is consistent with the free agency of man, and comprehends all the means in connection with the end. It is the glorious display of God's sovereign goodness, and is infinitely wise, holy, and unchangeable. It excludes boasting and promotes humility.

All true believers endure to the end. Those whom God has accepted in Christ, and sanctified by His Spirit, will never fall away from the state of grace, but shall persevere to the end. Believers may fall into sin through neglect and temptation, whereby they grieve the Spirit, impair their graces and comforts, and bring reproach on the cause of Christ and temporal judgments on themselves; yet they shall be kept by the power of God through faith unto salvation.

Genesis 12:1-3; Exodus 19:5-8; 1 Samuel 8:4-7,19-22; Isaiah 5:1-7; Jeremiah 31:31ff.; Matthew 16:18-19; 21:28-45; 24:22,31; 25:34; Luke 1:68-79; 2:29-32; 19:41-44; 24:44-48; John 1:12-14; 3:16; 5:24; 6:44-45,65; 10:27-29; 15:16; 17:6,12,17-18; Acts 20:32; Romans 5:9-10; 8:28-39; 10:12-15; 11:5-7,26-36; 1 Corinthians 1:1-2; 15:24-28; Ephesians 1:4-23; 2:1-10; 3:1-11; Colossians 1:12-14; 2 Thessalonians 2:13-14; 2 Timothy 1:12; 2:10,19; Hebrews 11:39–12:2; James 1:12; 1 Peter 1:2-5,13; 2:4-10; 1 John 1:7-9; 2:19; 3:2.

VI.  Kawhhran (The Church)

Thuthlungthar san ah Jesuh Khrih ih kawhhran cu mahte (local) kawhhran sungtel pawlin kaihhruaimi kawhhran mibur pawlkom asi. Cutin hmundangdangah local kawhhran pawl thawn zumnak le thuthangtha ah pawlkom awknak in a sihcih aw mi an si. Kawhhran sungah Khrih in a tuahmi serh le sang pahnih hman asi ih Khrih ih daan tuah mi vekin thlun asi, Amai tongkam sungah canpual le laksawng, hamthatnak pawl hman asi. Cutin leitlun deng tiang Thuthang karhzai ter dingin a dingmi kawhhran asi. Local kawhhran pakhat ciar cu Krih ih lalnak thuneihnak hnuai ah a cangvai mi, democracy kaihhruai awknak in hnatuan in a cangvai mi asi. Kawhhran member pakhat ciar cu Jesuh Khrih cu Bawi le Lalpa ah nei in riantu tuanvo nei ciar mi an si. Bible vekin kawhhran tuanvo neihmi pawl tla cu pastor le deacon an si. Pathian rawngbawl dingin nunau siseh mipa siseh laksawng a hranhran pek an si ciar na in pastor tuanvo cu mipa ih tuanvo bik asi.

Thlungthar in a sim vekin kawhhran, Khrih ih ruangpum timi cu sankhat hnu sankhat zumtu pawl, miphun tinkim, tong tinkim, mibur le ram tinkim ihsin zumtu zapi a huap asi.

A New Testament church of the Lord Jesus Christ is an autonomous local congregation of baptized believers, associated by covenant in the faith and fellowship of the gospel; observing the two ordinances of Christ, governed by His laws, exercising the gifts, rights, and privileges invested in them by His Word, and seeking to extend the gospel to the ends of the earth. Each congregation operates under the Lordship of Christ through democratic processes. In such a congregation each member is responsible and accountable to Christ as Lord. Its scriptural officers are pastors and deacons. While both men and women are gifted for service in the church, the office of pastor is limited to men as qualified by Scripture.

The New Testament speaks also of the church as the Body of Christ which includes all of the redeemed of all the ages, believers from every tribe, and tongue, and people, and nation.

Matthew 16:15-19; 18:15-20; Acts 2:41-42,47; 5:11-14; 6:3-6; 13:1-3; 14:23,27; 15:1-30; 16:5; 20:28; Romans 1:7; 1 Corinthians 1:2; 3:16; 5:4-5; 7:17; 9:13-14; 12; Ephesians 1:22-23; 2:19-22; 3:8-11,21; 5:22-32; Philippians 1:1; Colossians 1:18; 1 Timothy 2:9-14; 3:1-15; 4:14; Hebrews 11:39-40; 1 Peter 5:1-4; Revelation 2-3; 21:2-3.

VII. Baptism le Bawipa Zanriah (Baptism and the Lord's Supper)

Khristian baptism cu zumtu pakhat tisungah Pa, Fapa, Thiang Thlarau hmin in hnimphimnak in asi. Thulunnak langtertu asi ih Khrih ih thihnak, phum asinak, le a thosal Rundamtu a zumnak langter khal asi, cutin zumtu pakhat cu sual ah a thih ih nunhlun cu phum in a um zo, Jesuh Khrih ah thosalnak tawmpi in nunthar in a nung zo tinak asi. Mithi pawl nineta ah an thosal ding ti a zumnak langtertu khal asi fawn. Zumtu pawl tuah hrimhrim dingmi serh le sang pakhat asi vekin kawhhran member pitling si thei nak ah sieh Bawipa zanriah tawm ve thei dingin tuah tul tengteng mi asi.

Bawipa zanriah cu thulunnak tuahnak in langtermi asi ih kawhhran member pakhat cu sang le grape ti in nak in Rumdamtu cu a hrangah a thi ih a ra sal ding asi ti a zumnak a langternak asi.

Christian baptism is the immersion of a believer in water in the name of the Father, the Son, and the Holy Spirit. It is an act of obedience symbolizing the believer's faith in a crucified, buried, and risen Saviour, the believer's death to sin, the burial of the old life, and the resurrection to walk in newness of life in Christ Jesus. It is a testimony to his faith in the final resurrection of the dead. Being a church ordinance, it is prerequisite to the privileges of church membership and to the Lord's Supper.

The Lord's Supper is a symbolic act of obedience whereby members of the church, through partaking of the bread and the fruit of the vine, memorialize the death of the Redeemer and anticipate His second coming.

Matthew 3:13-17; 26:26-30; 28:19-20; Mark 1:9-11; 14:22-26; Luke 3:21-22; 22:19-20; John 3:23; Acts 2:41-42; 8:35-39; 16:30-33; 20:7; Romans 6:3-5; 1 Corinthians 10:16,21; 11:23-29; Colossians 2:12.

VIII. Bawipa Ni (The Lord's Day)

Zarhkhat sungah a nikhatnak cu Bawipai Ni asi. Khristian pawlin nithianghlim ah hman mi asi. Khrih a thawhsalni asi ih bulpal le mibur in biaknak le thangthatnak thawn ulnak ni hman asi. Bawipai Bi hman mi pohpoh Kristian siatha theihnak thiang thawn Jesuh Khrih ih lalnak thuneihnak hnuai ah hman dingmi asi.

The first day of the week is the Lord's Day. It is a Christian institution for regular observance. It commemorates the resurrection of Christ from the dead and should include exercises of worship and spiritual devotion, both public and private. Activities on the Lord's Day should be commensurate with the Christian's conscience under the Lordship of Jesus Christ.

Exodus 20:8-11; Matthew 12:1-12; 28:1ff.; Mark 2:27-28; 16:1-7; Luke 24:1-3,33-36; John 4:21-24; 20:1,19-28; Acts 20:7; Romans 14:5-10; I Corinthians 16:1-2; Colossians 2:16; 3:16; Revelation 1:10.

IX. Lalram (The Kingdom)

Pathian lalram timi cun sersiammi ziangkim parah Lal le Siangpahrang asinak le Siangpahrangah a cohlangtu bulpak nun parah a lalnak le a uknak a huap tel asi. A biktakin Pathian lalram cu mi pakhat cu Jesuh Khrih ah zumnak in nauhak te bangin Jesuh Khrih dungthlun dingin a pum a ap awknak, rundamnak a congahnak asi. Khristian pawl cu nasa ten thlacam ding kan si, cutisun Pathian uknak le a duhnak leitlun ah a famkim thei nak ding hrangah. Pathian lalram famkimnak ding cu Jesuh Khrih a rat sal tikah le san a cem tikah a thleng ding mi asi.

The Kingdom of God includes both His general sovereignty over the universe and His particular kingship over men who willfully acknowledge Him as King. Particularly the Kingdom is the realm of salvation into which men enter by trustful, childlike commitment to Jesus Christ. Christians ought to pray and to labor that the Kingdom may come and God's will be done on earth. The full consummation of the Kingdom awaits the return of Jesus Christ and the end of this age.

Genesis 1:1; Isaiah 9:6-7; Jeremiah 23:5-6; Matthew 3:2; 4:8-10,23; 12:25-28; 13:1-52; 25:31-46; 26:29; Mark 1:14-15; 9:1; Luke 4:43; 8:1; 9:2; 12:31-32; 17:20-21; 23:42; John 3:3; 18:36; Acts 1:6-7; 17:22-31; Romans 5:17; 8:19; 1 Corinthians 15:24-28; Colossians 1:13; Hebrews 11:10,16; 12:28; 1 Peter 2:4-10; 4:13; Revelation 1:6,9; 5:10; 11:15; 21-22.

X. San Neta Thil (Last Things)

Pathian in amai caan le lamzin vekin leitlun tawknak a thlenter leh ding. A thukam vekin Jesuh Khrih cu mithmuh theih in bulpak in a ra kir sal dingih mithi cia pawl a kai tho ding, cule a dingfelnak vekin mi zapi parah thu a then ding. Midingfel lo pawl cu kumkhua hremhmun hell ramah thlak an si ding. Midingfel pawl cu thiamcoter in an um dingih an laksawng an co dingmi cu a siat thei lo mi ruangpun thawn thuam aw in Bawipa hnenah sankhuk in an um ding.

God, in His own time and in His own way, will bring the world to its appropriate end. According to His promise, Jesus Christ will return personally and visibly in glory to the earth; the dead will be raised; and Christ will judge all men in righteousness. The unrighteous will be consigned to Hell, the place of everlasting punishment. The righteous in their resurrected and glorified bodies will receive their reward and will dwell forever in Heaven with the Lord.

Isaiah 2:4; 11:9; Matthew 16:27; 18:8-9; 19:28; 24:27,30,36,44; 25:31-46; 26:64; Mark 8:38; 9:43-48; Luke 12:40,48; 16:19-26; 17:22-37; 21:27-28; John 14:1-3; Acts 1:11; 17:31; Romans 14:10; 1 Corinthians 4:5; 15:24-28,35-58; 2 Corinthians 5:10; Philippians 3:20-21; Colossians 1:5; 3:4; 1 Thessalonians 4:14-18; 5:1ff.; 2 Thessalonians 1:7ff.; 2; 1 Timothy 6:14; 2 Timothy 4:1,8; Titus 2:13; Hebrews 9:27-28; James 5:8; 2 Peter 3:7ff.; 1 John 2:28; 3:2; Jude 14; Revelation 1:18; 3:11; 20:1-22:13.

XI. Thuthangtha karhzai ter rawngbawl (Evangelism and Missions)

Miphun hmuahhhmuah Khrih dungthluntu can ter ding cu Krih dungthluntu le Jesuh Khrih ih kawhhran zapi te ih tuanvo le cantha neihmi asi. Pathian Thlarau in milai thlarau a hrintharnak cu midang duhdawtnak hrangah hriltharnak asi. Missionary hnatuan cu zumtu zapi te tuanvo asizia cu hruintharmi nun neitu hranah a lotheihlo in a tulmi a sizia Khrih ih zirhnak cu fiangzetin a sim leuhleuh mi asi. Jesuh Khrih ih leitlun miphun zakip hnenah Thuthangtha sim dingin thu in pekmi asi. Thlarau hlo Khrih hnenah hruaisuah ding cu Pathian fate zapi te ih tuanvo asi ih tongkam in sim in siseh nuncan ziaza in langter nak in siseh Thuthangtha thawn a kaih mi lamzin a phunphun in tuansuah ding asi.

It is the duty and privilege of every follower of Christ and of every church of the Lord Jesus Christ to endeavor to make disciples of all nations. The new birth of man's spirit by God's Holy Spirit means the birth of love for others. Missionary effort on the part of all rests thus upon a spiritual necessity of the regenerate life, and is expressly and repeatedly commanded in the teachings of Christ. The Lord Jesus Christ has commanded the preaching of the gospel to all nations. It is the duty of every child of God to seek constantly to win the lost to Christ by verbal witness undergirded by a Christian lifestyle, and by other methods in harmony with the gospel of Christ.

Genesis 12:1-3; Exodus 19:5-6; Isaiah 6:1-8; Matthew 9:37-38; 10:5-15; 13:18-30, 37-43; 16:19; 22:9-10; 24:14; 28:18-20; Luke 10:1-18; 24:46-53; John 14:11-12; 15:7-8,16; 17:15;

20:21; Acts 1:8; 2; 8:26-40; 10:42-48; 13:2-3; Romans 10:13-15; Ephesians 3:1-11; 1 Thessalonians 1:8; 2 Timothy 4:5; Hebrews 2:1-3; 11:39-12:2; 1 Peter 2:4-10; Revelation 22:17.

XII. Fimthiamnak  (Education)

Khrihfa biaknak cu thiehnak mitvan termi le fimnak hrampi ah a hngat aw mi zumnak asi. Jesuh Khrih ah fimnak le theihnak rohthil hmuahhmuah a khawlkhawm aw theh asi. Zirnak thianghlim hmuahhmuah cu Khristian ro sunglawi asi. Hrintharnak cu milai sia tha theihnak sunglam mit hmuahhmuah a vangter ih thieh duhnak halnak a neihter asi. Cui hlei ah zirnak ih man cu mission hnatuannak hrangah siseh zapi hlawknak thatnak hrangah siseh a pehtlaihmi asi ruangah kawhhran in siangzetin a bawm dingmi asi. Khrih ih milesa pawl hrangah Khristian zirh awknak famkim, thlarau lam cangvaihnak famkim a tul hrimhrim mi asi.

Khristian fim zirnak ah zirnak lam zalennak le zirnak lam tuanvo a kawpcih tengteng a tul asi. Zalen nak timi felfai ten milai pehtlaih awknak tuah tha tu si dingin tawpcinri a nei ringring asi. Khristian tlawng, college le university ah zirhtu pakhat ih zalennak cu Jesuh Khrih ih umpinak, Thuthiang in a simzat, le tlawngih a umsan sungah tawpcin a nei ringring asi.

Christianity is the faith of enlightenment and intelligence. In Jesus Christ abide all the treasures of wisdom and knowledge. All sound learning is, therefore, a part of our Christian heritage. The new birth opens all human faculties and creates a thirst for knowledge. Moreover, the cause of education in the Kingdom of Christ is co-ordinate with the causes of missions and general benevolence, and should receive along with these the liberal support of the churches. An adequate system of Christian education is necessary to a complete spiritual program for Christ's people.

In Christian education there should be a proper balance between academic freedom and academic responsibility. Freedom in any orderly relationship of human life is always limited and never absolute. The freedom of a teacher in a Christian school, college, or seminary is limited by the pre-eminence of Jesus Christ, by the authoritative nature of the Scriptures, and by the distinct purpose for which the school exists.

Deuteronomy 4:1,5,9,14; 6:1-10; 31:12-13; Nehemiah 8:1-8; Job 28:28; Psalms 19:7ff.; 119:11; Proverbs 3:13ff.; 4:1-10; 8:1-7,11; 15:14; Ecclesiastes 7:19; Matthew 5:2; 7:24ff.; 28:19-20; Luke 2:40; 1 Corinthians 1:18-31; Ephesians 4:11-16; Philippians 4:8; Colossians 2:3,8-9; 1 Timothy 1:3-7; 2 Timothy 2:15; 3:14-17; Hebrews 5:12-6:3; James 1:5; 3:17.

XIII. Thilpek kilkhawi (Stewardship)

Pathian cu thlawsuah tinkim ih hrampi asi, rei lo te hrang siseh thlarau hrang siseh; ziangkim kan neihmi cu Pathian ta theh asi. Khristian pawl in leitlun pumpi hnenah thlarau lam leiba kan nei asi; thuthak kawltermi kan si vekin thutak simsuah ding tuanvo kan nei asi. Curuangah Khristian pawl cu Pathian rian ding tuanvo an nei ih an tikcu, thiammi, neihmi, cu hmuahhmuah cu cozah ciar in Pathian hmin sunlawinak hrangah hman dingih midang bawm dingin tuanvo an nei asi. Ca Thiang in a zirh bangin Khristian pawlin an neihmi cu siangzet, mawitawk zetin ui lo ten, peknak tha ten pe in Rundamtu hrangah leitlun ah pek ciar ding tuanvo an nei asi.

God is the source of all blessings, temporal and spiritual; all that we have and are we owe to Him. Christians have a spiritual debtorship to the whole world, a holy trusteeship in the gospel, and a binding stewardship in their possessions. They are therefore under obligation to serve Him with their time, talents, and material possessions; and should recognize all these as entrusted to them to use for the glory of God and for helping others. According to the Scriptures, Christians should contribute of their means cheerfully, regularly, systematically, proportionately, and liberally for the advancement of the Redeemer's cause on earth.

Genesis 14:20; Leviticus 27:30-32; Deuteronomy 8:18; Malachi 3:8-12; Matthew 6:1-4,19-21; 19:21; 23:23; 25:14-29; Luke 12:16-21,42; 16:1-13; Acts 2:44-47; 5:1-11; 17:24-25; 20:35; Romans 6:6-22; 12:1-2; 1 Corinthians 4:1-2; 6:19-20; 12; 16:1-4; 2 Corinthians 8-9; 12:15; Philippians 4:10-19; 1 Peter 1:18-19. 

XIV. Pawlkomnak (Cooperation)

Krih ih milesa pawl cu, dinhmuh ih tuldan zirin, pawlkom awk ding an si ih (association le convention din in) Pathian uknak ih tumtahmi hrang tuansuahnak hrangah cangvaih ding an si. Cuvek pawlkom pawl cu pakhat le pakhat parah (local church pakhat le pakhat parah) ziangvek thuneihnak hman an nei lo asi. Mai duhhrilnak (volua ntery) in le thurawn pe aw tawn dingin pehtlaih aw mi an si ih thazang a cakbik in hnatuan suak thei nak ding hrangah thazang bur tawn, phorhsuak in hmuisel khat ah mipi pawl a tha bik in tuahsuah tlangnak hrang asi. Thuthlangthar kawhhran member zumtu pawl cu Krih ih lalram karhzai nak hrangah siseh missionary hna tuanank, fimthiamnak, le bawmbawi awknak hrangah pawlkom sihcih aw dingmi an si. Khristian lungrualnak Thuthlungthar san ah kan hmuh mi cu thlarau ah pumkhat sinak, mai duhhrilnak in pawlkom awknak, zapi duhtlangin tuansuahnak hrangah Khrih ih milesa mibur pawlkom awknak asi. Pawl (denomination) dangdang lakah pawlkom awknak cu tumtah tawpmi cu amah le mah fiang zetin a dikzia a langter aw mi asi ih zo ih zumnak khal hnaihnok loin le Khrih ih dungthluntu sinak le A Thutak nunpi nak a hnaihnok lo tikah duh ding le neih dingmi asi.

Christ's people should, as occasion requires, organize such associations and conventions as may best secure cooperation for the great objects of the Kingdom of God. Such organizations have no authority over one another or over the churches. They are voluntary and advisory bodies designed to elicit, combine, and direct the energies of our people in the most effective manner. Members of New Testament churches should cooperate with one another in carrying forward the missionary, educational, and benevolent ministries for the extension of Christ's Kingdom. Christian unity in the New Testament sense is spiritual harmony and voluntary cooperation for common ends by various groups of Christ's people. Cooperation is desirable between the various Christian denominations, when the end to be attained is itself justified, and when such cooperation involves no violation of conscience or compromise of loyalty to Christ and His Word as revealed in the New Testament.

Exodus 17:12; 18:17ff.; Judges 7:21; Ezra 1:3-4; 2:68-69; 5:14-15; Nehemiah 4; 8:1-5; Matthew 10:5-15; 20:1-16; 22:1-10; 28:19-20; Mark 2:3; Luke 10:1ff.; Acts 1:13-14; 2:1ff.; 4:31-37; 13:2-3; 15:1-35; 1 Corinthians 1:10-17; 3:5-15; 12; 2 Corinthians 8-9; Galatians 1:6-10; Ephesians 4:1-16; Philippians 1:15-18. 

XV. Khristian le leitlun milai umtu khawsak (The Christian and the Social Order)

Khnristian zappi ten Khrih ih duhnak cu kanmah bulpak nun ah siseh society punmpi ah in uktu thuneihtu ah ret dingin tuanvo kan nei asi. Jesuh Khrih ah Pathian zangfanak in sersiamthar salmi sinak parah hngat aw in society thansohnak le dingfelnak dinsuah nak hrangah tuahmi le hmanrua pawl cu man a nei ding asi. Khrih ah a nungtu pawl cun miphun thleidannak, duh amnak, hamtamnak, mai hrang lawng ruatnak, nupa sualnak pohpoh, uiretnak, neihbang aw sualnak, le taklawng zuk le zuknung pawl, cu pawl cu do theh dingmi asi. Nulepa nei lo, tulsam zual, mi ih tuahmawhmi, kum upa, bawmtu neilo, mi damcak lo pawl bawm ding asi. Pumsung naute hrangah thu simsak tu ding kan si ih ziangvek milai nunnak khal pumsung ihsin semtir ihsin thihkel in thlan mual liam tiang humhim ding asi. Khrihfa hmuahhmuah in pursum leilawn ei hawlnak hrang hnatuannak company pawl, cozah kumpi, society, ziangkim hi dingfelnak, thutak, le unau duhdawtnak hnuai ah cangvai dingin canter ding tuanvo kan nei asi. Acuih tumtahnak cangsuak ter thei dingin khristian pawl cu zovek milai khal tumtahnak tha le thiang a neitu pohpoh thawn hnatuan tlang ding asi ih ziangtik lai khalah fimkhur ten duhdawtnak thlarau in cangvai in Khrih zumnak le A Thutak nunpi nak hnaihnok lo dingin fimkhur ding asi.

All Christians are under obligation to seek to make the will of Christ supreme in our own lives and in human society. Means and methods used for the improvement of society and the establishment of righteousness among men can be truly and permanently helpful only when they are rooted in the regeneration of the individual by the saving grace of God in Jesus Christ. In the spirit of Christ, Christians should oppose racism, every form of greed, selfishness, and vice, and all forms of sexual immorality, including adultery, homosexuality, and pornography. Acuih We should work to provide for the orphaned, the needy, the abused, the aged, the helpless, and the sick. We should speak on behalf of the unborn and contend for the sanctity of all human life from conception to natural death. Every Christian should seek to bring industry, government, and society as a whole under the sway of the principles of righteousness, truth, and brotherly love. In order to promote these ends Christians should be ready to work with all men of good will in any good cause, always being careful to act in the spirit of love without compromising their loyalty to Christ and His truth.

Exodus 20:3-17; Leviticus 6:2-5; Deuteronomy 10:12; 27:17; Psalm 101:5; Micah 6:8; Zechariah 8:16; Matthew 5:13-16,43-48; 22:36-40; 25:35; Mark 1:29-34; 2:3ff.; 10:21; Luke 4:18-21; 10:27-37; 20:25; John 15:12; 17:15; Romans 12–14; 1Corinthians 5:9-10; 6:1-7; 7:20-24; 10:23-11:1; Galatians 3:26-28; Ephesians 6:5-9; Colossians 3:12-17; 1 Thessalonians 3:12; Philemon; James 1:27; 2:8.

XVI. Remdaihnak le Ral (Peace and War)

Milai zovek thawn khal remdai ten dingfelnak thuhram parah hngat aw in pehtlaih ding cu khristian zapi te tuanvo asi. Khrih ih thlarau le zirhnak thawn kaih aw in an ti thei mi sungah ral cu tawpter dingin tuanvo an nei asi.

Ral thlarau tawpternak taktak cu kan Bawipa ih Thuthangtha asi. Leitlun in a tulbikmi cu Jesuh Khrih ih zirhnak pom in cohlannak, milai pulpak le miphun cangvaihnak tinkim ah nunpi in duhdawtnak dan kenkawh in asi. Khristian zapi ten leitlun huap in Remdaihnak Siangpahrang ih lelnak hrang ah thlacam cio ding asi.

It is the duty of Christians to seek peace with all men on principles of righteousness. In accordance with the spirit and teachings of Christ they should do all in their power to put an end to war.

The true remedy for the war spirit is the gospel of our Lord. The supreme need of the world is the acceptance of His teachings in all the affairs of men and nations, and the practical application of His law of love. Christian people throughout the world should pray for the reign of the Prince of Peace.

Isaiah 2:4; Matthew 5:9,38-48; 6:33; 26:52; Luke 22:36,38; Romans 12:18-19; 13:1-7; 14:19; Hebrews 12:14; James 4:1-2.

XVII. Biaknak Zalennak (Religious Liberty)

Pathian lawng hi milai sia tha theihnak parah lang asi. Pathian thutak thawn a kalh aw mi le a sungah a um lo mi milai thuken pawl lak ihsin zalen in Pathian in a retmi asi. Kawhhran le cozah cu a dang ten thenhnih aw ding mi asi. Cozah cun kawhhran cu humhim ding tuanvo leiba a nei ih thlarau lam cangvaihnak ah zalennak tawp a nei asi. Cutin zalennak pek tikah pawlkom pakhatkhat cu a dang hnakin duhsakbik um lo dingmi asi. Cozah cu Pathian ih khawikhih mi asi vekin Pathian thu thawn a kalh awk lo poh ahcun khristian pawl in cozah thu thlun theh ding asi. Kawhran in a tumtah mi tuansuaknak hrangah cozah thuneihnak hmang ding khal asilo. Khrih ih thuthangtha cun a tumtahtawp tuansuahnak hrangah thlarau lam hmanrua pawl lawng a arua hmanmi asi. Cozah in biaknak zumnak ziangvek khal hrem theinak thuneihnak a nei lo. Cozah in biaknak pakhatkhat bawmnak hrang ah ziangvek khal tax mipi hnen ihsin lak thei nak thuneihnak a nei lo. Khristian ih hmuitinmi cu a zalen mi cozah, a zalenmi kawhhran asi. A umzia cu zo khalin hnaihnok um lo ten zalen zetin Pathian biak pawh theinak, zalen zetin pawlkom din thei nak, zumnak ausuahpi theinak, cozah thuneihnak hnaihnok lo in zalenak asi.

God alone is Lord of the conscience, and He has left it free from the doctrines and commandments of men which are contrary to His Word or not contained in it. Church and state should be separate. The state owes to every church protection and full freedom in the pursuit of its spiritual ends. In providing for such freedom no ecclesiastical group or denomination should be favored by the state more than others. Civil government being ordained of God, it is the duty of Christians to render loyal obedience thereto in all things not contrary to the revealed will of God. The church should not resort to the civil power to carry on its work. The gospel of Christ contemplates spiritual means alone for the pursuit of its ends. The state has no right to impose penalties for religious opinions of any kind. The state has no right to impose taxes for the support of any form of religion. A free church in a free state is the Christian ideal, and this implies the right of free and unhindered access to God on the part of all men, and the right to form and propagate opinions in the sphere of religion without interference by the civil power.

Genesis 1:27; 2:7; Matthew 6:6-7,24; 16:26; 22:21; John 8:36; Acts 4:19-20; Romans 6:1-2; 13:1-7; Galatians 5:1,13; Philippians 3:20; 1 Timothy 2:1-2; James 4:12; 1 Peter 2:12-17; 3:11-17; 4:12-19.

XVIII. Insang (The Family)

Pathian in insang cu milai pawlkom society ih hram ah a retmi asi. Insang sungah nupi pasal neih awknak, thisen, le cawmmi insang milesa pawl an tel asi.

Thit umnak cu nunau pakhat le mipa pakhat damsung umtlang dingin tiamkam awknak in neih awknak asi. Thit umnak cu Pathian in a danglam hleice laksawng pekmi asi ih Khrih le Kawhhran karlah pehtlaih awknak langtertu khal asi. Nupi pasal thih um awknak in bulpak in neihniam zetin pehtlaih awknak nunau le mipa karlakah a neih ter ih Bible in a zirh vekin nupa pawl awknak in pehtlaih awknak le milai hrin thlaihzainak hrangah asi.

Pathian hmuihmel kengin sersiammi an si veve vekin pasal le nupi cu Pathian hmai ah an man a bangrep asi. Nupi pasal pehtlaih awknak cu Pathian in a sersiammi milai pawl a pehtlaihdan thawn khaikhin theih asi. Khrih in a kawhhran a duhdawt vekin pasal in a nupi duhdawt ding asi. Pasal in a insang cawm ding, kilhim ding, kaihruai ding Pathian pekmi tuanvo a nei asi. Kawhhran cu Khrih hnuai ah a tuhlut awk vekin nupi cun a pasal ih siathlawh hruaitu nun hnuai ah lungawi sopar ten tuhlut aw ding asi. Nupi cu, a pasal vekin tho tho in Pathian hmuihmel keng in sersiammi a si vekin a pasal upat ding, bawmtu tha vekin riantu tuan ding, insang rian in tefa kilkhawi ding Pathian tuanvo pekmi asi.

Nauhak cu, pumsung ah a semtir ihsin, Pathian thlawsuah an si. Nulepa in fale hnenah Pathian ih khaukhih mi nupi pasal umtu dan langter ding an si. Nulepa in fale pawl cu zirh ding an si, thlarau le lungput thiang nei dingin siseh nuncan ziaza mawi le duhdawtnak in nunsimnak thawn Bible thutak vekin thiltha hril thiam dingin zirh ding an si. Nauhak pawl cu an nulepa thu ngai in upatnak pe ding an si.

 

God has ordained the family as the foundational institution of human society. It is composed of persons related to one another by marriage, blood, or adoption.

Marriage is the uniting of one man and one woman in covenant commitment for a lifetime. It is God's unique gift to reveal the union between Christ and His church and to provide for the man and the woman in marriage the framework for intimate companionship, the channel of sexual expression according to biblical standards, and the means for procreation of the human race.

The husband and wife are of equal worth before God, since both are created in God's image. The marriage relationship models the way God relates to His people. A husband is to love his wife as Christ loved the church. He has the God-given responsibility to provide for, to protect, and to lead his family. A wife is to submit herself graciously to the servant leadership of her husband even as the church willingly submits to the headship of Christ. She, being in the image of God as is her husband and thus equal to him, has the God-given responsibility to respect her husband and to serve as his helper in managing the household and nurturing the next generation.

Children, from the moment of conception, are a blessing and heritage from the Lord. Parents are to demonstrate to their children God's pattern for marriage. Parents are to teach their children spiritual and moral values and to lead them, through consistent lifestyle example and loving discipline, to make choices based on biblical truth. Children are to honor and obey their parents.

Genesis 1:26-28; 2:15-25; 3:1-20; Exodus 20:12; Deuteronomy 6:4-9; Joshua 24:15; 1 Samuel 1:26-28; Psalms 51:5; 78:1-8; 127; 128; 139:13-16; Proverbs 1:8; 5:15-20; 6:20-22; 12:4; 13:24; 14:1; 17:6; 18:22; 22:6,15; 23:13-14; 24:3; 29:15,17; 31:10-31; Ecclesiastes 4:9-12; 9:9; Malachi 2:14-16; Matthew 5:31-32; 18:2-5; 19:3-9; Mark 10:6-12; Romans 1:18-32; 1 Corinthians 7:1-16; Ephesians 5:21-33; 6:1-4; Colossians 3:18-21; 1 Timothy 5:8,14; 2 Timothy 1:3-5; Titus 2:3-5; Hebrews 13:4; 1 Peter 3:1-7.


http://www.sbc.net/bfm/bfm2000.asp 

Copyright © 1999-2012, Southern Baptist Convention. All Rights Reserved.

 

Comments