FCCI‎ > ‎MATHAI 24:‎ > ‎24 zirnak siar ding:‎ > ‎

Part I



LEITLUN THUANTHU LE KHRIH RATSALNAK
FCCI Upa Bible Zirnak
01, November 2009
Indianapolis, Indiana, USA

Zrithtu: Hre Mang

Zirtu pawl Bible siar ding: Mathai 24

(Mi zokhal Mathai bung 24 siar hmaisa ta hram uh tiah ka lo ngen duh).

Bawi Zesu leitlun a umlai ah a dungthluntu pawlin ara kirsal nak ding thu anrak sut tikah a ratsal hlanah ziangvek thil pawl leitlun ah a thleng ding ti a simcia. Cu pawl lakah a hmaisa bik ah a thleng zo mi cu Jerusalem Biak inn (Temple) a siat ding thu a rak sim cia mi AD 70 ah a siat theh mi kha asi. Asile, Bawipa Zesu amah rori in a rakir sal hlanah ziangvek thil pawl leitlun ah a thleng ding tiah a simcia mi pawl leitlun milai thuanthu ah ziangvek a thlengzo, a thleng rero lai, a thleng lai ding timi pawl zoh thlang hnik uhsi.

n  Mat 24: 1Jesuh cu a tho ih Biakinn ihsin a feh laiah a dungthluntu pawl a hnenah an ra ih Biakinn an rak sak daan a makzia kha an relpi. 2Jesuh in, “Asi, hipawl hi zohhnik uh. Fiangtein ka lo sim: hi lungto pakhat hman hi a umnak keel ah a um nawn lo ding; a zate in balthlak ṭheh an si ding,” tiah a ti.

Jerusalem Biak inn pi a siat ding thu a rak simcia mi hi AD 70 ah a thleng taktak ih Jerusalem Biak inn pi cu a tutiang Israel pawlin an raksal thei hrih lo.

n  Mt. 24:3, Jesuh cu Olif tlang parih a to laiah a dungthluntu pawl a thupte in a hnenah an ra ih, “Hi thil hi ziangtikah so a can ding? Cun na rat salnak caan le san cemnak langtertu ziang thil so a um ding, in simhnik?” tiah an sut. -V. 4, Jesuh in, “Ralring uh, zohman in lo bum hlah haiseh. -V. 37Noah san laiih thil a cangmi vekin Milai Fapa ratnak caanah cun a cang ve ding.

 

 

 

 

 

Olivet tlang parah simcia mi:
(Matt 24, Mark 13, Luke 21)

A tawizawngin kan sim asile a tanglam pawl hi Zesu in ara kir sal hlanah leitlun ah a thleng ding tiah a simcia mi pawl an si:

  1. RAAL buainak  a suak ding
  2. ZESU lem  kamsang lem  an suak ding
  3. BORUAK THA LO, SIATSUAHtu a suak ding
  4. NAT THA LO A PUNGZAI DING (pulh nat vek) a suak ding
  5. VAN,ARSI, NI LE TLA PARAH THIL MAK PAWL
  6. DUHDAWT AWKNAK A TLA NIAM SINSIN DING
  7. THUTHANGTHA CU LEITLUN MIPHUN ZAKIP HNENAH PHUAN ASI DING
  8. Misual bawrhhlawh pa in Biak Inn tlangthiang ai bawrhhlawh ding

 

n  Mathew 24 Khaikhawm

1. Cang. 4-5,  Bum in um hlah uh. “Keimah hi Messiah ka si” an ti ding. Mibur pi bum awknak san ah kan thleng ding; Messiah, Pathian fapa ka si an ti ding

2. v. 6-8, Leitlun Ralpi a um ding,

                a. Raal do awknak cu rampi, lalram, le cozah pawllakah asi ding.

                c. Raalpi pawl a cang veten can tawpnak cu asi hrih lo ding.

3. 7, Rawlpam/ttam pawl a suak ciamco ding

  1. ( Raal ruangah pam a tlung ding)
  2.  Pam tlung cu hmun zakip, hmuntin ah asi lo ding nan leitlun hmun tampi ah a thleng ding.

        c. A tlunih thiltleng pawl cu tihnung rapthlak a thleng dingmi ih a hram thawk fang asi ding.

4. Boruak tha lo, linghnin a suak ding:  Natsia/Hremnak/Fehsual

5. v.7.b. Natsia a thleng ding:

6. 9-Khrihfa pawl hrem an tuar ding.

                                a. Khrihfa biaknak, zumnak thuhram cu  cozah  dankalh vekin tuah asi ding

                                b. Thleidan nak , ti duhdahnak an tuar ding.

                                c. Huatnak tiduhdahnak, dungtun, huat an si ding.          

7. v.10; fehsual pawlin biaknak/thutak an bansan ding

          Khrihfa sinak an tlansan ding.

          Khrihfa sungah khat le khat huat awknak, zuarthlai, phatsan awknak a suak ding.

          Biaknak hmin in kamsang lem (false prophet) tampi an suak ding.

          Khrihfa nunphung, Bible thurin vekin milai nuntu mizia an tlansan dingih sualnak cu hmun zakip ah a karhzai ding.

          Pakhat le pakhat duhdawt lainat awknak a hlo vivo dingih mai nuamnung cennak, hlawknak hrangah midang an hmang ding. Duhdawt awknak a cem vivo ding. Milai pehtlaih awknak a siat vivo dingih minung pehtlaih awk kel a hlo vivo ding.

 

n  Sualnak/Thuthangtha/Anti-Christ

8.v.12: sualnak a karhzai ding: duhdawtnak a tumsuk sinsin ding

9. Thuthangtha cu leitlun hmunkip miphun hmuah2 hnenah sim asi ding.

          Dokalhnak lakah miphun zapi hnenah thuthangtha cu simsuak asi ding.

          Mi zapi ten thuthangtha cu an theih theh hnu ah can tawpnak a thleng ding.

10. Anti-Christ in biak inn tlangthiangih  Jews (Jerusalem)  Biak Inn pi voithumnak sakmi cu a tibuangbar ding.

          Biak inn tlangthiang parah fihnungza thawn ti bawrhhlawh asi ding.

          Hitin a tuahtu pa cu Pathian camsiat tu misual pa asi ding.

          Kamsang Daniel in a rak simcia mi asi

          Cutin tlanhloh can asi zo, Pathian in tawpter lo sehla leitlun milai a siatsuah theh ding.

          Leitlun thuanthu ah a tihnung rapthlak bik asi dingih ziangtik hmanah cuvek thil a thleng dah nawn lo ding. Leitlun milai cimit thluh thei nak dinhmun asi thei.

          Nuclear ral do awknak, lole vanpar ihsin a tla mi comet strike, an ti vek pawl tla asi thei.

          Cuvek a cang tikah vanpar ih ni a thim ding, thlapi le arsi khal an hlo ding, cule van a hnin theh ding.

n  Leitlunpum in hmu ding

11. Leitlun pumpi hmuh dingin Zesu a rakir sal ding

          Vanah a ratnak langter tu kan hmu ding.

          Khawdur lak ihsin ropitnak le huham cahnak thawn a ra kan hmu ding.

          Vancung mi pawlin lei killi le vandeng ih Pathian hrilcia mi pawl an ko khawm ding.

12. A tlangpi thu in Zesu a ratsal can cu kan theithiam ding, nan a ni, thla, tikcu nahzi tiang cu zohman in kan thei lo ding.

                a. Ziangkim (hminsinnak) cu sankhat (one generation)  san sungah tuahtheh asi ding.

                b. Hitin thil pawl hramthawk hmu tu pawlin a tawpnak khal an hmu ding.

                c. Pa Pathian lawngin a tikcu le can nahzi tiang a thei.

13. Cantawp tikah Noah san lai vek kha asi ding.

a. Noah san lai ah milai pawl cu sualnak phunphun an tuah ih Pathian an hnawng.

b. Noah sanlai minung pawl cun anmai sualnak dinhmun sinak cu an pom duh lo.

c. Noah san milai pawlin thilsual an tuah mi cu an pomrem ih sual ah an ruat lo.

d. Nupa sualnak  a karhzai tukih milai pawl cu tisa nuamnung cennak le a hleihluat ih lennak, neihnak ah an hngat aw aw.

e. An hmailamah ziangvek siatnak a thleng ding timi cu a ruat hman an ruat lo

n  14. Khrih zumtu pawl ziangtin kan nung ding?

Khrihfa diktak pawl cu Pathian duhdawt ringring in Zesu dungthlun in khat le khat duhdawt aw ding kan si.

          Khrihfa pawl thuhrampi cu Pathian le innhnen duhdawtnak asi ih ziangvek dodalnak, hremnak a um khal asile thuthangtha cu sim sunzawm vivo ding asi.

          Midang hrangah zohtthimtlak dingin sumpai, thuneihnak, thilri, lennak, le nuamnung cennak pawl be ding kan si lo. Pathian dang maw, kanmah le kanmah tla be aw ding kan si lo.

          Pathian thutak a hnawng ih Pathian dung a tun tu pawl cu a kumkhua in an sir aw lai ding.

          Ziangvek can a thleng khal asile Khrih hrangah kan nung asi.

n  Khrih Ratsalnak Langtertu:  thuthlangpi pawl

Khrih ratsalnak ding thu thawn pehpar in ziangvek thu pawlin aratsalnak a nai zo asi ti in sim?

1.       Israel thuanthu:

2.       Leitlun thuanthu: 

3.       Boruak tha lole nattha lo pawl

4.       Leitlun biaknak, thlarau lam

5.       Thuthangtha ziangtluk a karhzai

6.       Anti-Christ: Misual pa

n  The Chronology of World History
 Leitlun thuanthu

1.       1st world power = EGYPT (in power to 1491 BC)

2.       2nd world power=ASSYRIA (1491 - 606 BC)

3.       3rd world power=BABYLON (606 - 538 BC)

4.       4th world power=Medo/Persia  (538 - 333 BC)

5.       5th world power=GREECE (333 - 44 BC)

6.       6th world power=ROME (44 BC - 476 AD)

7.       Two more world empires to come :

8.       7th world power=Reign of the Anti-Christ  ( 7 years )

9.       Final Power=The Return and Millennial reign of Christ.

n  Leitlun thuanthu: A thleng lai dingmi malte zoh hnik uhsi:

Khua hlan ih Rome empire pi kha a ting tho sal ding asi tiah mi tampi in an zum. Khuahlan Rome empire milai le ram pawl cu a tu ih European Union ram le milai pawl khi an si.

Rev 17:9-10: Fimnak le theihnak neih a ul. Lu pasarih cu nunau a tonak tlang pasarih an si. * Siangpahrang pasarih khal an si. * 10 Cuih siangpahrang pasarih lakah panga cu an tlu zo; pakhat in a uk lai; a dang pakhat cu a ra hrih lo. A rat tikah tikcu tawite sung lawng a uk ding

Thup. 13: 8: Leitlun Pumpi in an be ding:

*      Cuticun leilungtlun mi hmuahhmuah in sahrang cu an be ding; a sinain leilung seem hlan ihsin nunnak cabu sungih hmin khum ciami pawl cun an bia lo ding; cuih nunnak cabu cu thah a si mi Tuufa-ih ta a si.

*      Leitlun pumpi in kumpi sakolh cu an mangbang ih an thlun: Leitlun pumhuap pawlkom (cozah) a um ding (New World Order)  Thup. 13:3;

*      Sahrang ih lu pakhat cu thihpi tlak besia zetih hriammi a bang, a sinain a cuih a hriamhma cu a dam. Leilung pumpuluk an mang a bang ih sahrang cu an thlun.

 

 

n Leitlun biaknak, thlarau lam cang

JERUSALEM/Israel  THUANTHU

1.        4500-3200 BCE: Chalcolithic Period

2.       3500 BCE; First Settlement

3.       3200-2220 BCE: Early Bronze Age

4.       2500 BCE: First Houses

5.       2220-1550 BCE: Middle Bronze Age

6.       1800 BCE: First City Wall

7.       1550-1200 BCE: Late Bronze Age

8.       1400 BCE: Jerusalem ngan hmaisa bik, cuneiform Amarna ca sungah

9.       1200-1000 BCE: Iron Age I: Jerusalem cu Canaanite (Jebusite) khua (City) asi

10.   1000-539 BCE: Iron Age II

11.   1000 BCE: King David in Jerusalem a lak

12.   960 BCE: King Solomon in First Temple a sak

13.   721 BCE: Assyrians in Samariam an lak. Refugees Jerusalem ah, an kauh.

14.   701 BCE: Assyrian uktu Sennacherib in Jerusalem a lak/kulh.

15.   586 BCE: Babylonian inJerusalem a siatsuah.

16.   539-322 BCE: Persian Lalcan

17.   539 BCE: Persian mi uk Cyrus the Great in Babylonian Empire a lak/uk.

18.   516 BCE: Second Temple saksal asi.

19.   445-425 BCE: Nehemiah phardawl a sak.

20.   332 BCE: Alexander the Great in Judea rak a lak.

21.   332-141 BCE: Hellenistic Period: Ptolemaic and Seleucid uk

22.   141-37 BCE: Hasmonean Period

23.   141 BCE: Hasmonean Dynasty lalram a thawk. Jerusalem an kauh, west

24.   63 BCE: Roman General Pompey in Jerusalem a lak/uk.

25.   37 BCE-70 CE: Herodian Period

26.   37 BCE: Herod in Second Temple a sak/thuamtha sal.

27.   4 BC: Jesu a suak.

28.   30 CE: Jesus khross par ah an khen bet.

29.   70 CE: Romans in Jerusalem a siatsuah

30.   70-324 CE: Roman Period

31.   135 CE: Jerusalem kha  Roman khawpi vekin saksal asi.

32.   324-638 CE: Byzantine Period

33.   335 CE: Church of the Holy Sepulchre an sak.

34.   614 CE: Persians in Jerusalem an lak,

35.   629 CE: Byzantine Christians in Jerusalem an lak sal.

36.   638-1099 CE: First Muslim Period

37.   638 CE: Caliph Omar  Jerusalem ah a lut

38.   661-750 CE: Umayyad Dynasty

39.   691 CE: Dome of the Rock an sak

40.   750-974 CE: Abassid Dynasty

41.   1099-1187 CE: Crusader Period

42.   1099 CE: Crusaders pawlin Jerusalem an lak

43.   1187-1250 CE: Ayyubid Period

44.   1187 CE: Saladin in Jerusalem an lak

45.   1229-1244 CE: Crusaders rei loten Jerusalem voihnih an lak

46.   1250-1516 CE: Mamluk Period

47.   1250 CE: Muslim caliph in Jerusalem phardawl an bal.

48.   1516-1917 CE: Ottoman Period

49.   1517 CE: Ottomans in Jerusalem a lak.

50.   1538-1541 CE: Suleiman the Magnificent in Jerusalem phardawl an sak

51.   1917 CE-present: Modern Period

52.   1917: British pawlin Jerusalem an lak

53.   1948: State of Israel dinsuak asi. Jerusalem khawpi cu thenihnih ah then

54.   1967: Israel Old City  an lak ih Jerusalem pumhlum in an lak sal.

Thu lakkhawmnak: "Chronological Reference Points." Middle East Insight,

n  Israel pawl cu an ramah an kirsal ding:

Bawi Zesu leitlun ah tisa a ra can hlanah Israel pawl cu Pathian hrilmi miphun hleice an sinan Pathian an zumnak an tlansan ruangah miphun dang kut hnuai ah san an tang leuhleuh. Pathian in a suahsal cingcing. Messiah, Zesu Khrih cu leitlun (BC 4 ah) a rat tikah Israel pawlin an rak hnawngih thingkross parah an thah (AD30) vekin Jerusalam biak inn pi cu (AD 70) siatsuah asi ih Israel miphun pawl cu miphun dang kuthnuai ah a suk a so ah ram neinawn loin an vak tawi. Hitler in German ramah Jews (Israel) milai million ruk (6 million) a that ti asi. Cutin Bible in a rak sim cia vekin 1948 ah Israel ram cu mirang pawl kutcak hmangin dinsuak sal asi.

Ezekiel 36: 24, Miphun kip le ramkip ihsin ka lo la ding ih nanmah ih ramah ka lo kirpi ding.. 37:21, Cungnungbik Bawipa ih ka simmi cu than aw: Ka minung pawl cu an vahvaihnak miphun tampi sungin ka hruai kir ding, ka finkhawm ding ih an ramah ka kirter ding. 

Isaiah 11:11-12: Cui ni a thlen tikah cun Bawipa in a huham a langter saal dingih, Assiria ram, Izipt ram, Pathros ram, Sudan ram, Elam ram, Babilonia le Hamath ram le tipikap ram le tidai ih kulh mi ram pawl ihsin a taang hrih mi a mi pawl cu a khawm saal ding.

Amos 9:14-15: Ka minung pawl an ram ah ka kirter sal ding; A siat ciami an khua pawl an sak sal ding ih Cutawkah khua an sa ding. Sabit hmuan an tuah ding ih Sabitti an in ding. Hmuan an tuah ding ih an cinmi an ei ding. 14Ka minung pawl an ram ah ka kirter sal ding; A siat ciami an khua pawl an sak sal ding ih Cutawkah khua an sa ding.Sabit hmuan an tuah ding ih Sabitti an in ding. Hmuan an tuah ding ih an cinmi an ei ding. 

 

 

n  Jerusalem cu Israel pawl khawpi asi sal ding

Luke 21:24:  Mi henkhat cu ralnam in an thi ding ih mi hen cu leitlun ramkipah salah hruai an si ding. Jerusalem cu Pathian thei lotu Zentail pawl in an tikcu a cem hlanlo an ke hnuai ah an pal ding,” tiah a ti.

(Daniel 2:36-45Daniel 2:36-45: Nebu ih mang, leitlun lalram a ra suak ding pawl thu a simnak

Daniel 9:24-27: “Sualnak le hat lonak ihsin na minung pawl le na khawpi an luatnak dingah Pathian in kum sawmsarih ih let sarih a khiah zo. Sualnak cu ngaidam a si ding, dingnak cu kumkhua hrangin hngehter a si ding; cuticun sim ciami le na hmuhmi pawl cu an ra thleng ngaingai ding ih Biakinn thianghlim cu a thar in thianhlimter a si sal ding. 25Himi hi ciing ha awla ruatfel aw: Jerusalem dinsal dingih thupek tikcu caan ihsin Pathian ih hriilmi hotu a rat hlanlo kum sarih let sarih a liam ding. Jerusalem cu lamzin tumpipi le ruhkulh hngetzetzet thawn dinsal a si ding ih kum sawmruk le kum hnih ih let sarih sung a ding ding; a sinan hih caan hi harsatnak le buainak caan a si ding. 26Cuih caan a cem tikah Pathian ih hriilmi hotu cu dik lozetin an that ding. A cakzetmi ram uktu ih ralkap pawl in khawpi le Biakinn cu an siatsuah heh ding. Tilik bangin a netnak a ra thleng ding; Pathian ih a timtuah ciami ral le siatsuahnak an ra thleng ding a si. 27Cuih ram uktu bawi cun kum sarih hrangin mi tampi thawn lungkimnak cakhen a tuah ding ih cuih tikcu ih hrek a cem tikah peknak le thawinak pawl cu a cemter ding. Thil Fihnung Tuksumza cu Biakinn sung hmunsang bikah ret a si ding ih cutawkih a rettupa in Pathian ih tumtahsakmi netnak a ton hlanlo cutawk hmunsang bik ahcun a um ringring ding.

n  Olivet Discourse
(Matt 24, Mark 13, Luke 21)

Mathai 24 sungah, Bawi Zesu in a sim mi pawl lak ihsin Jerusalam Biak inn pi a siat ding thu cu AD 70 ah a thleng zo. Aratsal hlanah ziangvek theihtheinak leitlun milai thuanthu ah a thleng ding tiah a simcia mi pawl lak ihsin tampi a thleng rero zo. Cu pawl leitlun thuanthu zoh in hliakhlai hnik uhsi, cuticun Khrih dungthluntu zumtu zokhal fimvar ten kan um cio thei nak ding hrangah. Hi pawl hi a thleng dingmi an si:

n  RAAL buainak

n  ZESU lem  kamsang lem

n  BORUAK THA LO, SIATSUAH MI

n  NAT THA LO A PUNGZAI DING

n  VAN,ARSI, NI LE TLA PARAH THIL MAK PAWL

n  DUHDAWT AWKNAK A TLA NIAM SINSIN DING

n  THUTHANGTHA CU LEITLUN MIPHUN ZAKIP HNENAH PHUAN ASI DING

n  Misual bawrhhlawh pa in Biak Inn tlangthiang ai bawrhhlawh ding

Bawipa Zesu in a simcia mi pawl leitlun milai thuanthu ah ziangvek a thleng zo timi zarhtin Bible zirnak ah kan zir vivo ding, pelh lo ten rak zir ve aw.

 

Pathian hmin thangthat si koseh, Khrih dungthluntu zumtu zokhal Bawipa Zesu Khrih tongdingin ralring ten man cia ringring in phun zai loten hngak hrih cio uhsi!

 

Pathian Tularau in a lo umpizia lo theihter hram sheh!

Comments