FCCI‎ > ‎Sunday School‎ > ‎

ROme Cakut Zirhnak slide


Book of Rome last2003pp



 

Rome Cakuat Thuthlangpi


Rome Khua

 

Romulus in B.C. 800 hrawngah Rome khua a rak din thawk. Cozah kumpi in Rome khua dinni ah an rak phuansuah mi cu B.C. 753 asi ih B.C. 600 hrawng ahcun Rome khua cu lian zet, hminthang zet, siangpahrang umnak khawpi pakhat ah a rak cang. B.C. 500 ah siangpahrang uknak cu an rak siatsuah ih B.C. 272 ah mipi uknak (Republic) an rak din. Cumi hnu ah Rome cu mipi uknak, Republic kaihhruai awknak in, ramkulh dang tampi a uk (confederation uk awknak in).  Kum 150 ral do awk hnu ah Mediterranean ramkulh ah a cakbik umsun ramkulh pi ah a cang ih Alerander the Great ih ram uknak hnakih cak le tumah a rung cang. Cuticun Zesu Khrih leitlunah taksa in a ra suak tiang ah Rome ramkulh cu a cakbik le tumbik ah a cang ih Empiror Tragan (A.D. 98-117) tiang a daih. Rome uknak cun Scotland ihsin Sudan, Atlantic coast of Portugal ihsin Caucasus pawl a huap ih America ramkulh hi tthenthum ah tthen sehla tthenhnih tlukin Rome ramkulh cu a rak kau.

 

Dungtluntu Paul san laiah Rome ramulh sung mipum hi million khat (one million) lenglo an rak si. Mi tampi Rome ramsung mipum siar tel mi pawl cu sal an rak si. Ramtin ihsin Rome ukhnuai ih milai pawlin Rome khawlipi sungah an rak ra ih buaknak phunphun an rak keng ih lennak phunphun thawn Rome khawlipi cu hmunpi zet ah a cang. Cutawk hmun cu :Leitlun tawpnak” (Dung.1:8) tiah Paul in a rak simmi Thuthangtha simsuak dingin a rak hmuisel mi khua a rak si.

Rome cakuat a rak ngan tu: Paul

1Khrih Jesuh ih siahhlawh le a tirhthlahmi, Pathian in a Thuthang ha phuangtu dingah a hriil ih a kawhmi keimah Paul in ca ka lo kuat. Rome 1:1; 11:13; 15:19. 

 

Rome cakuat dawngtu pawl:

7Curuangah Rom khuaih a um, Pathian ih a duhdawtmi le a minung si dingih a kawhmi nan zate hnenah hi cakuat hi ka ngan. Kan Pathian le Bawipa Jesuh Khrih ih zaangfahnak le daihnak nan hnenah um hram she,” Romans 1:7.

 

Paul in Rome cakhuat a ngan hlan ah Rome khua ah khrihfa zumtu pawl an rak um zo (Rome 1:8), himi cakuat a ngan tiangah Paul kha Rome khua ah a thleng dah hrih lo ih Rome khua ah kawhhran rak dintu khal asi lo, (Dung 19:21; Rome 15:23, 24). Peter khal kha Rome khua ah kawhhran dintu asi dingin a lang lo. (Eusebius cangan nak ah Peter kha Rome khua ah a feh ih A.D.42 ihsin kum 25 sung Rome khua ah a um asi a timi khal zum um lo, fiahnak dang um lo asi). Peter kha Rome ah a feh ti cu a fiang ko nan a feh tikcan cu Paul kha thawng in sung ihsin a suak hnu (A.D.61, 62) ah a feh in a lang.

Rome khua ah kawhhran a rak din thawk tu cu Pentecost (Dung 2:10,11) ah a rak um vet u, Jews le miphun dang Khrihfa ah a rak lutih Rome khua ah a kirsal tu pawlin an rak din in a lang.

Rome cakuat bung 16 nakah Paul in cibai a buk mi pawl kha Rome khua ah kawhhran rak dintu pawl an si in a lang. Paul in a cakuat sungah cibai a buk mi pawl hi missionary a fehnak khua pawlah a theih cia mi, Rome khua ah kawhhran rak din hmaisa tu, in ah pumkhawm nak rak thawk tu pawl an si in a lang (Rome 16:3-5,10,11,14,15).

Rome kawhhran sungah sungtel pawl kha Jews le Gentel miphun pawl khal an tel in ti a fiang (Rome 1:5, 6, 13; 11:13; 2: 17..; 4:1; bung 9-11).

Rome cakuat ngannak hmun, le ni thla

 

15:25, 26 ah a sim vekin, Paul in Rome cakuat a ngan tikah amah cu Korin khua ihsin Gentel kawhhran zumtu pawlin Zeruslam khua ih zumtu mi farah pawl hrangah sum an khawn khawm mi keng tahrat in Zerusalem khua ah a feh ding thu a sim. Curuangah, Rome cakhuat a ngan tikah Paul cu Korin khua ah a um ti a fiang. Dung 19:21 le 20:1-3 ah a sim vekin Ephesus khua ah kumhnih hnakih tam um in rawngbawlnak a neih hnu ah Zerusalem khua ah a kirsal ding thu a sim. Cutin Ephesus khua ihsin Zerusalem a tlun hlanah a kiangkap khua pawl, Greece ramkulh, Korin khua pawlah feh tahratin zumtu pawlin an khawnkhawm mi sumpai pawl kha Zerusalem ah keng phah dingin a khawnkhawm thu hmuh theih asi. Paul ih voithumnak missionary khual tlawnnak hi Ad. 57 ah a tawp. Cutin missionary khual thlawnnak a voi thumnak a tlun lam, Korin khua ih a cam lai ah Paul in AD 57 ah Rome cakuat hi a ngan asi ti ah zum asi. 

Zaingvek tumtahnak in ziangvek dinhmun hrangah Rome cakuat hi ngan asi?

Rome kawhhran sungah buainak pawl thu simfiang dingin Paul in Rome cakhua thi a ngan mi si loin Rome khua ah a feh in a rawngbawl ding hrang timtuah cia nak ah a ngan mi asi in a lang sawn. Rome khua ih khrihfa zumtu pawl thawn pawlkom awknak nei in thazang pe aw tawn ding a duhtu pawl a sim, ( Rome 15: 24; 1:11,12). Nisuaknak lam ah a rawngbawlnak cu a cem vekin a simih nitlaknak lam ah thuthangtha sim vivo dingin, a biktakin Spain ram lamah thuthangtha sim vivo ding a tumthu asim ( Rome. 15:23;24). Rome khua a hmuh duhthu a rak sim cia zo ( Rome 1:10-13; 15: 23; Dung 19:21). Spain ram a feh phah ah Rome khua ah cawl phah in Rome khua ih kawhhran zumtu pawlin bawmnak an pek ding a duhthu khal a sim (Rome 15:24). Cutin nitlaknak lamah missionary hnatuan a tuan tikah Rome cu a dunglam ihsin bawmtu bik an si ding a duhthu a sim. Curuangah Paul in Rome khua ih Khrihfa pawl hnenah cakuat a ngan in a lang.

Rome cakuat phurtu: Nunau kawhhran deacon, Fibi.

1Kenkhria khua Kawhhran ih hnauantu kan farnu Fibi hi nan theihthiammi siseh ti ka duh. 2Pathian zumtu pawlih tuah dingmi a si vekin Bawipa ih hmin in amah cu rak cohlang uhla bomnak a ul ahcun rak bawm uh. Amah hi mi tampi hrangah siseh, keimah hrang khalah siseh, rualpi ha, mi hahnem zet a si. (cf. Romans 16:1,2).

Rome cakuat tumtah mi:

Pathian hnen ihsin dingnak thuthangtha, Rome 1:16, 17.

16Thuthang ha hi ka zahpi hrimhrim lo: ziangah tile a zumtu hmuahhmuah rundamnak an ngahnak dingah Pathian ih huham a si. A hmaisa ah Judah mi hrangah a si ih Zentail mi hrang khalah a si ve. 17Ziangtiin a si tile, Pathian in Amah le minung karlakah remnak ziang bangtuk in a tuah, ti kha a langter: cumi cu a hramthok ihsin a netnak tiang zumnak thawngin a si. Ca Thianghlim khalin, “Zumnak thawngih thiamcotermi cu an nung ding,” a ti.

Rome Cakuat THutlang Khaikhawm:

Thuhmaihruai, Rome 1:1-15

A. Cibai buknak, Romans 1:1-7a

1. 1Khrih Jesuh ih siahhlawh le a tirhthlahmi, Pathian in a Thuthang ha phuangtu dingah a hriil ih a kawhmi keimah Paul in ca ka lo kuat. Romans 1:1 .

a. 2Ca Thianghlim sungih ngan vekin cuih Thuthang ha cu Pathian in a profet pawl hnenih a tiam ciami a si; Romans 1:2
b.
3Cuih Thuthang ha cu Amah ih Fapa, kan Bawipa Jesuh Khrih thuhla a si: minung a sinak lamah cun amah cu David tesinfa sung ihsin suakmi a si. 4Pathian a sinak le a thianhlimnak lamah cun, thihnak ihsin thawhter a si ruangah Pathian Fapa a sinak cu a nasa zetmi huham thawn langter a si zo, Romans 1:3,4
c.
5Khrih hrangah le Amah thawngin mi hmuahhmuah in an zum ih an thlun theinak dingah Pathian in a tirhthlahmi sinak cu covo ah i pek. 6Cu mi hmuahhmuah sungah cun nannih Rom khuaih a ummi khal Jesuh Khrih ta si dingah Pathian ih kawhmi ah nan tel ve a si.Romans 1:5,6

2. 7Curuangah Rom khuaih a um, Pathian ih a duhdawtmi le a minung si dingih a kawhmi nan zate hnenah hi cakuat hi ka ngan, Romans 1:7a

B. Kan Pathian le Bawipa Jesuh Khrih ih zaangfahnak le daihnak nan hnenah um hram seh. Romans 1:7b

C. Paul thlacam, Romans 1:8-10

1. Paul ih lungawi thu simnak, Romans 1:8,9

2. I, Paul, pray that it may be God's will for me to at last come to you Christians in Rome, Romans 1:10

D. Pathian remruat in Paul in Rome khua tlawn tumnak, Romans 1:11-15

1. Thlarau laksawng comi thawn zumnak ah tthangso ter dingin, Romans 1:11

2. Thazang pek awk tawnnak, Romans 1:12;

3. 13U le nau tla, himi hi ciing ringring uh: voi tampi nanmah tlawng dingah ka tum zo; a sinain ra tlawng suak thei lo dingin i khawkhartu ziangsimaw a um ringring. A dang Zentail mi lakah lungthlengmi ka neihter thei bangin nanmah lak khalah lungthlengmi um thei ding cu ka duhzet a si, Romans 1:13

4. Thuthangtha sim dingah miphun dangdang hnenah fial mi Paul, Romans 1:14,15

Tumtah: Thuthanghta cu rundamnak hrangah Pathian huham cahnak, Pathian dingnak (righteousness) phuan awknak asi, Romans 1:16,17

Part 1: A sual mi Leitlun milai parah Pathian thinhengnak rung lang mi, Romans 1:18-3:20

A. Gentel mi pawl diklonak, sualnak, Romans 1:18-32

1. Gentle pawlin zianghman puhmawh ding an nei lo, Pathian an thei nan an zum lo, Pathian thu vekin an nung lo; Romans 1:18-20

2. Gentel pawlin Pathian an thei nan an atnak ruangah milem biaknak ah an her awaw, Romans 1:21-23

3. Curuangah Pathian in a pek hai:

a. An thinlung suaknak le hiarnak vekin sualnak tuah ih cangvai dingin;  (perverted homosexuality and lesbianism), Romans 1:24-27
b. Ruahnak sual, suangtuahnak sual, a bal mi, sualnak citintian tuahnak le cuvek a tuah tu pawl lungkimpi nak (To a depraved mind that is responsible for every kind of wickedness and their approval of those who commit all sorts of disgusting sins) Romans 1:28-32

B. Mahlemah dik zet ter, midang parah thutthentu pawl parah mawhsiatnak, Romans 2:1-16

1. Mahte dik in thei aw tu pawlin midang anmai sualnak vek tuah rero tu pawl parah thu an tthen, Romans 2:1

2. Nanmah lala kha Pathian in thu a lo then ding, Romans 2:2-4

3. Mah le mah dik zetin a thei aw tu pawl parah Pathian thinhengnnak a khawl aw aw; Pathian in mi zokhal anmai tuahnak vekin thu a tthen ding, Romans 2:5-11

4. Mah le mah dik zetin thei aw tu pawl hihi thei uh: Mi zokhal Pathian dan in thu a tthen ding; Jews pawl parah an hnenah pek mi dan vekin thutthen an si dingih dan pek lomi, Gentel pawl parah an thinlung siathatheihnak dungah ngan mi dan vekin thuthen an si ding; Dan pekmi, dan thei tu pawl si loin dan thlun tu pawl lawng thiamcoter an si ding,  Romans 2:12-16

C. Jews midik lo pawl parah thutthennak, Romans 2:17-3:8

1. Rome khua ih a ummi Jews pawl, nanmah le nanmah cu zirnak nei vekin nan thei aw aw ih midang zirh thei tu vekin nan ruat aw aw. Ziangruangah midang in tuah hai sheh tiah nan zirh mi thiltha cu nangmah in tuah dingin nan zirh aw lo; Romans 2:17-24

2. Abraham ih cithlah si in vunzim tannak in Pathian hmaiah nan dinhmun a danglam ter ah ruat hlah uh, dan nan thlun lo asi ahcun. Dan thluntu Gentel pawl lala in an lo mawhsiat ding. Pathian lungawi ter tu vunzim tannak (circumcision) cu Thlarau Thianghlim in thinlung vunzimtannak a tuah mi sawn kha asi, Romans 2:25-29.

3. Jews pawlin Gentel pawl neih lo mi Pathian thu/tongkam an nei. Jews pawlin zumnak an neih lo ruangah Pathian in a thu vekin ziangkim a tuah famkim dingmi a tlawlh cuang lo, Romans 3:1-4.

4. Jews pawl, nan diklo nak ruangah Pathian tumtahnak a famkim ti ah ruat hlah uh; cutin nan sualnak in Pathian a cawimawi tiah ruat hlah uh. CUtin a ruat tu pawl cu mawhsiat tlak an si, Romans 3:5-8.

D. Leitlun milai hmuahhmuah parah mawhsiatnak, Romans 3:9-20

1. Leitlun milai hmuahhmuah Pathian hmaiah mi bang aw aw, misual an si theh, Romans 3:9-18

2. Dan cun mi zopar khalah rualran ten dan thlun lotu pawl parah hremnak ding thu a simih zohman in mai diknak in porh aw thei an um lo. Romans 3:19

3. Hihi thei uh: mi zohman dan thlun ruangah Pathian hmaiah miding ah pom an si lo ding. Dan cu milai cu a felter si loin sualnak le dinglonak kha mi a theihter sawn asi, Romans 3:20

 

Part 2: Pathian in mi zapi hrangah dingnak aih ah apom sak  (Justification),  Romans 3:21-5:21

A. Zesu Khrih sung ihsin Pathian dingnak cu mi hmuahhmuah hnenah theihter asi. Pathian dan in sualman thihnak hremnak a phut mi cu Zesu Khrih in amai thihnak in aiawh thawinak a pek ruangah Pathian in leitlun mi pawl cu dingnak ah a pomsak zo,  Romans 3:21-26

B. Cutin mi pakhat cu miding ah phuan/pom asi, zumnak in, tuahnak le dan thlunnak tel loin. CUcu Jews le Gentel mi pawl hrang khal ah asi, Romans 3:27-31

C. Zumnak ruangah miding ah pom/phuan kan si vekin Abraham khalin Pathian a zum ruangah a zumnak cu dingnak ah pomsak, phuansuak asi, Romans 4:1-4.

1. David khalin milaituahnak ruangah siloin Pathian in  midang ah a pomsak mi pawl cu mi thlawsuak an si thu a sim, Psalm 32:1,2; Romans 4:4-8.

2. Himi dingnak le ngaidamnak, Pathian thlawsuahnak cu Jews le Gentel mi pawl hrang khalah asi. Abraham ih zumnak cu dingnak ah pomsak asi vekin vunzim tan le tan lo, Gentel le Jews pawl khal an zumnak cu dingnak ah pomsak an si ih zumnak ih a nung tu pawl cu an zaten Abraham ih tefa an si theh, Romans 4:9-12

3. Abraham hnenah thukam, mi tampi pa asi nak ding cu dan thlunnak ruangah siloin a zumnak cu dingnak ah pomsaknak in a cang mi asi. Cutin zumnak thukam sungah a nung tu hmuahhmuah cu Abrahram ih tefa an si, Romans 4:13-17.

4. ABrahram cun minung lamah a cang thei lomi, mi tampi ih pa siding cu Pathian huham cahnak in a cang thei asi ti a zumih a zumnak cu dingnak ah pomsak asi vekin Zesu Khrih cu kan hrangah kan sual tlenfai dingin a thi ih a thosal, cumi zumtu hmuahhmuah cu dingnak ah Pathian in in pomsak ih sual ngaidam zo an si tiah phuansuah an sinak thu pawl langternak ding hrangah rak ngan mi asi, Romans 4:18-25.

D. Miding ah phuansuah kan sinak ih rahsuak mi, Romans 5:1-11

1. Pathian thawn daihnak, Romans 5:1,2a

2. Pathian hmin sunlawinak ruahsannak ah lungawinak famkim kan nei ih tuarnak lak hmanah lungawi thei in zumtu thlarau nun pitling nun neihnak,  Romans 5:2b-5. 

3. Mahte a runsuak aw thei lomi misual pawl hrangah sual thlengfai dingin Krih Zesu a thih ruangah Pathian ah hnangam daihnak, rinsannak kan nei,  Romans 5:6-8

4. Pathian Fapa a thihnak le thohsalnak ruangah kannih cu Pathian thinhengnnak sung ihsin kan luat zo ih Pathian thawn pehtlaih awknak thar nei daihnak thawn rem aw sal kan si zo, Romans 5:9-11

E. Adam sualnak ihsin leitlun milai hmuahhmuah sualnak, dinglonak, le camsiattuarnak le Khrih Zesu ah Pathian in dingnak laksawng in pek mi in nunnak le rundamnak in pek mi thu. Pathian zangfah lainatnak laksawng cun milai sualnak hmuahhmuah in a tuah thei mi sual a nehnak, Romans 5:12-21.

Part 3: Pathian ih pekmi dingnak laksawng pek mi cun dingnak ih nunnak a rahsuak,  Romans 6:1-8:39

 

A. Pathian ih dingnak laksawng pek mi cun sual sal ah nunnak ihsin luatnak mi a pek, Romans 6:1-23

1. Pathian zangfah lainatnak ih pekmi dingnak laksawng cun sual tuah dingin zalennak pek asi lamlam lo. Sual mizia thawn a nungmi milai cu Zesu Khrih thawn a thi zo ih cutincun a thohsal nak ah thosal in Khrih ah sualnak nei loin nung sawn ding kan si,  Romans 6:1-4.

2. Khrih ih thihnak le thohsalnak ttawnpinak in kan pumsa hlun mizia cu Khrih thawn khenbet in a um zo ih cuticun kan pumsa, tisa mizia hlun sual ihsin zalennak kan ngah zo, Romans 6:5-7.

3. Khrih thawn kan thih ruangah amah thawn kan nung. Khrih cu zapi hrangah voikhat a thih hnu ah Pathian hrangah a nun vekin kannih khal sualnak ahcun a thizo mi le Pathian hrangih nung dingah ruat kan si. Curuangah sual cu kan parah lal dingin le thunei ding asi nawn lo, Romans 6:8-14.

4. Pathian zangfahnak hnuaiah, sual ihsin a luatmi kan si zo ih Pathian sal kan si sawn, cuticun thianhlimnak le kumkhua nunnak a rahsuak, Romans 6:15-23

B. Pathian ih dingnak laksawng pek mi ruangah dan ihsin kan luat zo, Romans 7:1-25

1. Dan cun milai pakhat parah milai damsung lawng thu a nei, Romans 7:1-3

2. Khrih thawn dan hmai ahcun kan thi zo ih cuticun cun Khrih ah Pathian zumnak in nungin nunthar in Thlarau in nung mi kan si ih dan hnuai ah a nungmi nunhlun sin awn loin, Romans 7:4-6

3. Cutin titikah, dan cu a sual asi lo. Dan cun ka sualnak (Paul) cu a itheihter ih a fiangter, dan um lo sehla sual cu sual asi ti ka thei lo ding. Curuangah dan cu a thianghlim, a ding, ih a tha asi, Romans 7:7-13.

4. Dan cu thlarau lam thil asi ih, kei, Paul, cu misual ka si vekin thlarau mi ka si lo. A siatbal zo mi sual mizia ruangah dan in a tha atimi cu tuah thei loin ka tuah duh lomi thilsual ka tuah theu, Romans 7:14-20

5. Hihi ka sungah a nungmi, a cangvaimi cu asi: Kan thlarau in Pathian ih dan cu a duh. Asinan, cuti rualrual in sual mizia ka sungah a cangvai ih thlarau duh mi cu raldo in a do. Kan thlarau cu Pathian sal asi ih sual mizia in a uk mi ka taksa cu sualsal asi.

1Curuangah ka sungih thil a can daanzia cu ka thei - a hami tuah ka duh tikah ka hriilsuakmi cu a ha lomi hlir a si. 22Ka sung muriil in Pathian ih daanah cun ka lung a awi. 23Sikhalsehla ka taksa sungah hna a rak uan vetu daan dang a um; cuih daan cu ka thinlung sungin a ha a timi kha a rak dotu daan a si. Cumi cun ka taksa sungih hna a uanmi sualnak ih daan hnuai ah sal bangin i taanter. 24Mi lungrethei ka va si so! Thihnak lamzin a pantu hih taksa pum ihsi hin zoso i runsuak ding? 25Pathian hnenah thanghatnak um ko seh: Pathian Amah in kan Bawipa Jesuh Khrih thawng in i runsuak a si. Ka si daan ngaingai cu hiti in a si - Keimahte cun ka thinlunglawngin Pathian daan cu ka thlun; a sinain minung ka sinak taktak cun sualnak daan ka thlun a si, Romans 7:21-25

C. Pathian ih dingnak laksawng pek mi in Thlarau hnatuannak in thihnak ihsin in luatter, Romans 8:1-39

1. 1Atu cu Khrih Jesuh thawn a pehzom awmi hrangah cun sual thuhennak in an luat zo. 2Ziangah tile Khrih Jesuh thawn pehzomnak thawngin nunnak in petu Thlarau ih daan in sualnak le thihnak daan sung ihsin in luatter zo. 3Minung sinak hi a onaih tuk ruangah Daan ih a tuah thei lomi kha Pathian in a tuah suak. Amah ih Fapa run thlah tahratin minung sinak sungih a ummi sualnak kha a hnonsak; cuih a Fapa cu sualnak siatralterta dingin minung sinak thawn a ra. 4Hi bangtuk in Pathian in hna a uannak cu minung sidaan thawn nung loin Thlarau duhnakih a nungmi kannih sungah hin Daan ih in fialmi a dik le a dingmi pawl cu kimternak ding hrangah a si, Romans 8:1-4

2. Tisa mizia sual sal sungah a nungtu le Thlarau thuhnuai ah a nungtu pawl danglam nak a um: thlarau ah mithi pawl vek si loin dingnak laksawng kan zo mi ruangah kan thlarau a nungih kumkhua nunnak sungah kaihthawh kan si lai ding, Romans 8:5-11

3. Khrih ah unau, Thlarau Thianghlim cencilh mi kan si vekin, Pathian fate vekin Thlarau kaihhruainak hnuai ah dingnak in nung ding kan si, cuticun kumkhua nunnak le cawimawinak cotu kan si vekin,  Romans 8:12-17

4. A tu ah kan tuar rero mi pawl cu a ra lai dingmi sunlawinak thawn tahthim asile a tu ih kan tuar rero mi harsatnak pawl cu rel tlak asi lo. Sersiam mi hmuahhmuah in sual cu titawp in sunlawihnak ni a thleng ding mi cu an hngak theh asi. A cui sunlawihnak ni cu hngak in harsatnak kan tuar mi khal thinsau ten tuar in cumi ni a thleng dingmi cu kan hngak asi, Romans 8:18-25.

5. Tuarnak thawn kan cah lo laiah, Pathian hnenah ziang kan dil ding ti hman kan theih lo laiah, Pathian in kan hrang in duhsak mi vekin Thlarau in in bawm asi, Romans 8:26,27

6. Pathian duhnak cu kan thei theh loin kan thei ringring lo; asinan a fiang mi cu, “28Ziangtinkim ahhin Pathian cun amah a duhdawtu le amah ih tumtahmi vekih a kawhmi hrangah cun an hatnak ah hna a uan a si, ti kan thei. 29Pathian in a hriil ciami pawl cu a Fapa hmuihmel keng dingah a thiadang cia hai; cuti cun unau tampi lakah a Fapa cu upa bik a sinak dingah a si. 30Curuangah Pathian in a thiatdan ciami pawl cu kawh khal a ko. Cule a kawhmi pawl cu thiam a coter

7.Cutin Pathian cu kan hrangah asi vekin kan rundamnak le cawimawinak thleng lo dingin zianghman lamzin kham thei tu a um lo. Satan in sualnak ah in hruaisual thei nawn lo, ziangah tile Pathian in midingah in pawm zo ih ngaidam zo an si ti ah a phuang zo. Kan thuthen tu in in mawhsiat lo ding, ziangah tile amah Khrih Zesu cu kan hrangah kan sual man ruangah thihnak a tuar ih thihnak ihsin thosal in kan aiawh ttuan in pathian hmaiah palai a ttuan. Cuticun Khrih Zesu ah Pathian duhdawtnak sung ihsin in tthen thei tu ding zianghman sersiam mi a um lo, Romans 8:31-39.

 

Part 4: Israel pawl thuthawn peh par in Pathian dingnak, Romans 9:1-11-36

A. Pathian cu a duhnak vekin duhsaknak langter dingah a dink, Romans 9:1-29

1. Paul in a miphun pi pawl hrangah a riahsiatnak, duhsaknak, le tuarsak nak, Romans 9:1-5

2. Jews ram ih um Jews hmuahhmuah Isreal an si theh lo, thukam fa pawl lawng an si,  Romans 9:6-13

3. Pathian in a duhmi a hril tikah miding lo (unjust) asi lo. Amai duhtlannak vekin a duh mi parah zangfah lainatnak a langter mi asisawn. Cutin sualnak a tuah tu, mo dokalh tu, hnenah hremnak a pek sawn mi asi,  Romans 9:14-18.

4. Zo in Pathian duhnak cu thu a sut ngam ding, Romans 9:19-21

a. Mi ttha lo pawl a zawi-awi ruangah Pathian cu mawhsiat ding asilo, Romans 9:22. Ziangah tile mitha lo pawl cu siatnak ni hrangah ret cia mi an si.


b. Cuvek thotho in Pathian in  aduh mi parah zangfahnak le sunlawinak a langter mi ruang khalah Pathian cu mawhsiat theih asi lo, Romans 9:23-29

B. Pathian in mihlun Jews zumlotu pawl hnawng dingin a dik mi thu a nei asi,  Romans 9:30-11:10

1. Jusus Khrih an pom lo ih an hnawn ruangah Jews pawl cu zumnak in pekmi dingnak laksawng cu an co lo,  Romans 9:30-33.

2. Paul, keimah cun Jews pawl rundamnak an ngah ding cu ka duh mi asi, Romans 10:1

3. Keimah Paul in ka simfiang asi, Jews pawl cun Pathian hrangah an taima, an thik a se zet nan Pathian hnen ihsin a ra mi dingnak thawn asi lo. Anmai dingnak thuhram ttoh dingin Khrih ah Pathian dingnak ah an tuhlut aw lo; cucu mi zapi Khrih zumtu pawl in dingnak an co thei nak lamzin umsun asi, Romans 10:2-4

4. Milai in rundamnak co thei nak lamzin pahnih a um: Dan thlunnak in dingnak-cumicu mi pakhat in dan in a fial mi hmuahhmuah tuah famkim nak in rundamnak asi; a dang pakhat cu, zumnak in dingnak ah pomsaknak asi. Zumnak cu dingnak ah pomsaknak ih co thei mi rundamnak cu Pathian thu in a simmi a zumih Zesu Khrih cu Pathian fapa asi ih khros parah thi ih Pathian in a kai thosal tiah a zumih a kaa in phuansuak nak in asi. Cutluk in awlsam zetin Pathian ah hngat awknak zumnak in Pathian ih thukam le kumkhua nunnak laksawng cun rundamnak milai a pek asi, Romans 10:5-13.

5. Pathian thuthangtha simtu pawlin an sim vekin Khrih ah Pathian rundamnak, zumnak cu dingnak ah pomsak cu thinlung in a zum ih rundam asi,  Romans 10:14,15.

6. A cui thuthangtha cu Jews pawlin an thei nan an zum lo. Gentel pawl cun an thei ih an zum vekin rundamnak an co, Romans 10:16-21.

7. Thuthlunghlun sungnah simcia mi vekin Pathian in Israel mi pawl cu an zaten a hnawng lo, mi hrekhat cun an thinlung an tihak ih an zum lo, asinan zangfaknak co tu ding an um, Romans 11:1-10.

C. Gentel mi pawl rundamnak hramah pehzawm an sinak ah Pathian dingnak, Romans 11:11-24

1. 11Cuti a sile Judah mi an riilhbah tikah hin an bah siatralta ding maw si? Siatta hrimhrim hlah! Anmah an riilhbah ruangah rundamnak cu Zentail mi hnenah a ra thleng. Cumi cu Zentail mi parah Judah mi in iksiiknak nei haiseh, ti duhnak a si. 12Judah mi pawlih sualnak in leilung tlunah thlawsuahnak tampi a thlenter; an thlarau lam farahnak in Zentail mi hnenah thlawsuah bawngmal tampi a sawm. Cule Judah mi pawl cuzat tiih khiah mi mipum famkim zetih an tel ve tikah cun ziangtluk thlawsuahnak tam sinsin so a si ding! Romans 11:11,12

2. Gentel mi pawlin rundamnak an co tikah Israel mi pawlin thiksia in Pathian rundamnak lamah an her  ve ih rundam an si thei nak dingah Paul in thuthangtha  ka sim, ati, Romans 11:13-16

3. Israel mi pawl kha Pathian thawn pehzawm awknak (olive kung) ihsin an zum lo nak ruangah sahthlak an si ih Gentel pawl kha zumnak kung parah pehzawm an si ruangah zianghman porh awknak ding an nei lo. Pathian in Israel pawl hman an zum lo ruangah amah thawn pehzawm awknak ihsin a sahthlak asi ahcun Gentel mi pawl khal fimkhur sawn ding an si. Jews pawl khal an zum lonak sungah an cam ringring lo ahcun Pathian thawn pehzawm awknak sungah pehzawm sal theih mi an si. Romans 11:17-24

D. Pathian diknak in Israel miphun pawl rundam sal dingin a thup aw mi a tumtah: Romans 11:25-36

1. Pathian tumtahnak hi mangbzangza asi, khuahlan (OT) israel pawl lakah mi tampi cu an thinlung a hak lai dingih Pathian an zum lo ding, cuticun Pathian in Geltel mi lakah a hril mi pawl mipum an kim hlan cu; cui hnu ah Israel thar, Gentel le Jews kawm mi cu zumnak ah laklut an si dingih rundam an si ding,  Romans 11:25-27

2. Rundamnak thuthangtha thawn pehpar in Jews pawl cu Gentel pawl zawnruahnak ruangah “ral” dinhmun ah ret an si, cuticun rundamnak thuthangtha cu Gentel pawl hnenah pek asi. Asinan, Pathian hrilmi miphun an si vekin le an pupa san ah thukam a rak pek cia vekin thulung lo Gentel pawl parah zangfahnak langter asi vekin thulunglo, zumlotu Jews pawl hnen khalah zangfahnak langter asi leh dingih, Romans 11:28-32

3. Pathian ih thuthup, Jews le Gentel pawl rundamnak thuthup timtuah cia mi ruangah hitin keimah Paul in thutawp nak ka sim, Pathian cu ruahban lo a fimnak le thiehnak ruangah sunlawih si ko she, Romans 11:33-36

Part 5:Pathian dingfelnak cu zumtu Khrihfa pawl nun dingfelnak ah a lang aw aw:

Romans 12:1-15:13

A.     1Cuti a si ruangah ka u le ka nau tla, a tam zetmi Pathian ih in zaangfahnak ruangah hin nan ruangpumpi cu a thiangmi le cohlan tlak raithawinak bangtuk in Pathian hnenah pe uh, tiah ka lo dil. Cumi cu Pathian hnenih nan pek dingmi biaknak taktak cu a si. 2Hi khawvel daanah hin kop nawn hlah uh; cuhnak in nan thinlung kha tharthawh tahratin thleng aw sawn uh. Cutiin Pathian ih duhnak cu nan thei ding ih Pathian ih hmaiah ziangso a ha, ziangso a lungawi mi a si tile ziangso a famkimmi a si ti nan thei ding. Romans 12:1,2

 

  B. Khrihfa zumtu pawl cu kawhhran sungah khat le khat an pehtlaih awknak ah dikzetin an pehtlai aw asi, Romans 12:3-21

1. Mi zocio khalin kawhhran tthansohternak ding hrangah thlarau laksawng comi an nei cio asi, Romans 12:3-8

2. Kawhhran sungah dingnak ih man le sunlawizia nunpi cio ding asi, Romans 12:9-21

C. Pathian milai vekin Khrihfa pawl cu leitlun ah dingfelnak in nung le tlangleng ding kan si, Romans 13:1-14

1. Leitlunah, kumpi cozah uktu pawl thulun ding, Romans 13:1-7

2. Leitlun ah, Pathian thupek vekin na inhnen pawl kha duhdawt ding, Romans 13:8-10

3. Leitlunah, thim thuneihnak le nuntu dan pawl kha tlansan ding asi, ziangah tile sun a suak zik thlang ih thutthennak ni a nai zo, Romans 13:11-14

D. Pathian fale zumtu vekin a derthawng mi zumtu pawl kha dikzetin bawmbawi ding asi, Romans 14:1-15:13

1. Pathian fale zumtu vekin nanmah lakah a zumnak derthawng deuh tu pawl kha unau vekin pom in bawmbawi aw tawn ding, ziang an ei an in (lo)  timi le ziangvek ni an ul le ul lo tivek parah siseh an nuntu ah thuthen ding; Pathian ttihzahnak thawn khat le khat thutthen aw lo ten, mi zaten Bawipa hrangah nung in Bawipa ah thi ding kan si, Romans 14:1-8

2. Khrih cu minung le mithi pawl parah thutthen tu ding asi, curuangah zumnak a cak lo tu unau pawl parah thu kan tthen ding? Kan zaten Bawipa in thu in tthen lai ding asi, Romans 14:9-12 (I Cor 5:12-13; thawn theihsual lo ding  a thupi zet).

 

3. Pathian fale zumtu vekin diknak thawn nung in zumnak ah a cak lo tu, unau pawl tluksiatnak nuntu ziaza tuahnak pawl thawn nung lo ding kan si, ei le in tivek thu ah, Romans 14:13-18

4. Pahian fale zumtu vekin zumtu unau dang thawn pawlkom pehtlaih awknak ah daihnak in khat le khat tungding aw ding in hma lak tlangin dikzetin nung ding kan si, midang tluksiatnak nuntu ziaza thawn nung lo ding, Romans 14:19-21

5. Pathian fale zumtu vekin dingzetin nungin midang tluk siatnak ding nuncan ziaza le tuahnak cu tuah loin mai siatha theihnak dokalh zawngin tuah lo a tha,

 

22Hi bangtuk thu-ah cun nangmahte thinlung nei aw la nangmah le Pathian karlakih thu-ah ret aw. A dik tiin a ruahmi a tuah ih siir awknak a nei lotu cu mi lungawi a si! 23Sikhalsehla phuhrung aw cingih a ei a si ahcun Pathian in a hnong ding, ziangah tile a tuahmi kha zumnak thawn a tuah lo a si. Ziangkhal zumnak parih bun loin tuah cu sual a si. Romans 14:22,23

6. Pathian fale zumtu vekin dingzetin nung in zumnak ah a cak lo tu pawl thazang pe tu tungdingtu le cakter tu ding nuntu ziaza kha nunpi sawn ding asi. Khrih amah rori kha amai diriamnak hrangah nung loin Pathian lungawi ter dingin a nung sawn asi (Psalm 69:9). Romans 15:1-4

7.Pathian le Zesu Khrih hmin sunlawi nak ding hrangah zumtu pawl, tuartheinak le thazang mi petu, Pathian in Rome khua ih zumtu pawl kha zumnak ah a cak lo tu pawl zawi-awi le hmaswn ter dingin tangdawrnak in zawnruahnak thawn lungrualnak lo pe hram she, Romans 15:5,6

8.

Kriih in a lo pawm vekin, Gentel le Jews khrihfa pawl khat le khat pomrem aw tawn ding nan si, Romans 15:7

a. Khrih cu Judah mi pawlih siahhlawh ah a cang vekin Gentel mi pawl rundam tu asi vekin, amah cu thangtthat ding asi, Romans 15:8,9


b. Gentel mi pawl kawhhran sungah an tel cih ding thu cu thuthlunghlun sungah simcia mi asi, Romans 15:9-13

Part 6: Gentel pawl hnenah rawngbawltu asi vekin, Pathian diknak cu Paul in a ttawm ve, Romans 15:14-33

A. Rome khua zumtu pawl fimnak, felnak ah zirh awknak, Paul in a lawm, Romans 15:14

B. Forhfialnak, zirh awkmi sunzawm vivo ding,  Romans 15:15,16

C. Pathian thilmak tuah mi, Gentel pawl hnenah, thuthangtha a simnak parah Paul in Pathian a thangthat, Romans 15:17-19a

D. Pawlin thuthangtha a thlen hrih lonak hmun ah thuthangtha sim vivo a duhthu, Romans 15:19b--22

E.Paul in Spain a fehzawngah Rome a feh phawh tum thu, asinan cumi hlanah Gentel kawhhran zumtu pawl thawhhlawm kha Zerusalem ah a ummi mi farah pawl hrangah pe ta dingin a timtuah, Romans 15:23-29

 F. Paul in Rome khua ih zumtu pawl hnenah a rawngbawlnak ah thlacamnak thawn tel ve dingin sawmnak, Romans 15:30-33

Tawpnak,  Romans 16:1-27

A.Rome cakuat phurtu, Phoebe, Cenchrea ih rinsan le upat zetmi zumtu kha, Rome khua zumtu pawlin rak cohlang dingin Paul in Rome khua zumtu pawl hnenah a ngen, Romans 16:1,2

B. Pawl in Rome khua zumtu pawl cibai buknak, Romans 16:3-16

C. Zirhsualnak le zumnak lamzin daltu cangvaihnak pawl do dingin forhfialnak, Romans 16:17-19

D. Thunetnak cibai, Romans 16:20-24

E. Paul in a thutawp nak ah Khrih ah Pathian a thangthatnak, Romans 16:25-27


http://www.christianinconnect.com/romans.htm

 

Nikhatnak:

 

1) Thuhmaihruai: Rome khua, kawhhran, le Paul cakuat

2) Pathian zumlo tu pawl sualnak: Sualnak le mawhphurnak, 1:18-32

3) Sakhaw minung pawl le leitlun miding pawl sualnak: Milai siatha theihnak le a siatttheh mi milai lungput mizia: 2:1-3:18

 

Nihnihnak:

 

4) Rundamnak Pathian thiltum: Thiamcoternak, Dan/Hnatuan: 3:19-4:25

 5) Rundam nak lamzin: Milai aiawh pahnih: 5:1-21

6) Rundamnak ih hlawknak: Sual huham-Khrih ah mithar; 6:1-23

7) Rundamnak ih hlawknak: Dan ih thiltitheinak-7:1-25

 

Nithumnak:

 

8) Rundamnak ih hlawknak: Thlarau huham cahnak, 8:1-39

9) Ziangruangah rundamnak a um: Pathian huham cahnak in hrilnak- 9:1-11:36

 

Nilinak:

 

 

10) Rundamnak ih rah: Mah pumpak nun thleng awknak , midang thawn pehtlaihnak,

relationships12:1-2, vs3-13:14

11)

The Problem of Doubtful Things; The role of the conscience in neutral areas :Romans 14:-15:13

12) Thuthlang khaikhawm le tawpnak:

 

 

=========

INTRODUCTION AND THEME

Thuhmaihruai:  (Romans 1:1-15)

Tumtah mi (Romans 1:16-17)

 

Pathian thutthennak diknak (Romans 1:18-3:20)

A. . Pathian thinhengnak le diknak (Romans 1:18-2:16)

B. Jews pawl diknak ih tlin lonak (Romans 2:17-3:8)

C. Sual hnuai leitlun mi zapi mawhsiatnak (Romans 3:9-20)

 

 

Rundamnak ah Pathian diknak: Romans 3:21-8:39)

 

A. Thiamcoternak: Zumnak in Pathian dingnak co, (Romans 3:21-31)

 

B. Thiamcoternak: Zumnak le thukam, (Romans 4:1-25)

 

C. Nunthar: Rem awknak, Pathian thinhengnak ihsin luat/zalennak, (Romans 5:1-21)

D.Nunthar: Thianternak, Sual ihsin luatnak, (Romans 6:1-23)

E. Nunthar: Dan sal ihsin luatnak,  (Romans 7:1-25)

F. Nunthar: Thlarau thununnak hnuaiah, (Romans 8:1-11)

G. A fiangmi sunlawinak a ra lai ding mi (Romans 8:12-39)

 

Rundamnak ah Pathian dingnak: (Romans 9:1-11:36)

A. Israel pawl tlaksiatnak maksak: (Romans 9:1-5; 9:30-10:21)

B. Pathian huham cahnak le thuneihnak: (Romans 9:6-29)

C. Rundamnak thuanthu tlamtlinnak: (Romans 11:1-36)

 

Khrihfa pawl nitin nunah Pathian dingnak: (Romans 12:1-15:13)

 

A. Nuncan ziaza: Biaknak thuhram pi, (Romans 12: 1-21)

THE RIGHTEOUSNESS OF GOD IN CHRISTIAN LIVING

B. Mawhphurnak thupitzia: (Romans 13:1-14)

C. Thutthennak le tuanvo zo hnenah neih: (Romans 14:1-23)

Judgment and Accountability

D. Pathian cawimawinak, (Romans 15:1-13)

. The Glorification of God

E. Thunetnak: (Romans 15:14-16:27)

 

Comments