FCCI‎ > ‎Bible bungcang lakkhawm‎ > ‎

Lei

Lei hmandan malte zoh hnik uh; cule tlang lakah siseh mimal hnenah

siseh kan lei kan hmandan kan fimkhur cio thei nak ding ah.

 

Lei cu meisa vek asi.

 

James 3: 6, Cuih meici bangtuk cu lei hi a si. Lei cu a tt;ha lomi a si ih kan taksa sungah umnak hmun a rak nei ih cutawk ihsin tthat lonak cun kan ruangpum zate-ah a hrawh thluh. Kan nunnak hri le hram tiangin meisa in a ur ih cuih meisa cu hell hmun ihsin a tho mi a si.

 

Na kaa sungah a tal lelhlo mi na lei kha hell ram ihsin a ra mi, mi that thei meicu kang suak ter theu tu asi ti thei aw. Na takng sungih na lei pheng derhdi te khan miphun pakhat le pakhat, kawhhran pakhat le pakhat, khua pakhat le pakhat thah awk theh nak ding tiang a suakter thei tu, meici a suah thei asi ti thei ringring aw.

 

Lei cu mithat thei tur nei:

 

James 3: 8, Sikhalsehla kaa sungih lei cu a hrem theitu ngaingai zohman an um lo. Lei cu a ttha lomi a si ih uk theih lomi a si; mi that thei tur a nei. Asi ih Blade namte hriam vek asi fawn. Sam.

 

Pacangtha/nucangtha na sinak cu midang, na huatmi, na duhdawt lomi pawl kha ziangtluk na ti mualpho ter in an riah na siat ter thei, ziangtluk nangmai thatnak na sim/porh aw thiam, timi sisawn loin na kaa sungih

na lei sen zengzi, pheng derhdi te kha ziangtluk na kai hrem thei ih a tur thawn midang that le ti riahsia lo dingin na kaihrem thei timi tehfung thawn cuai thlai na si sawn.

 

Lei cu lumehnak namte (blade) hriam vek asi:

 

Thuf. 52: 2, Nang cun midang siatsuah ding na ngaihtuah; Na lei cu

lumehnak namte vekin a hriam. Cat loin thuphan na per ringring.

 

Lumehnak namte hriam cun pa derhdi te asinan satit le samphang tiang a zai tan hluahhlo vekin na lei sen le pa derdi khan tipi ralkhat lamih milai pa cang tha le nucang tha pawl thinlung khal a zai phel theh thei asi.

 

Lei cu milai thinlung damter/kuaiter thei:

 

Thuf. 15: 4, Zaangfahnak ttongkam in thinlung a nungter sal; Asinain zaangfahnak um lo ttongkam cun thinlung a kuaiter

 

Na lei ihsin a suak mi in na sung lamah ziang a um ti a langter; duhdawtnak, fimnak, remnak, asilole, mi huatnak, mi thangsiatnak, hrawhhrawlnak, mibumnak, tthatlonak citiantian. Cuticun na lei cun

nan pumpuluk kha mi riahsiatter tu lole thinlung-naa damter tu, thatnak, remnak le daihnak suahter ah a lo mawng rero asi.

 

Na lei in a suahpi mi tongkam in na hmailam a langter:

 

Thuf. 17:20 Thinlung ttha lo minung cu a lamzin a tluang lo; Mi bumhmang lei cu siatralnak sungah a tla.

 

Bum awknak tongkam, thuphan na lei ihsin a suak sunzawm ringring asile, fimkhur aw, na hmailam ziang na tong ding timi Bible in simmi a nei.

 

Ne lei ah thihnak le nunnak huham a um:

 

Thuf. 18:21, Lei ih thiltitheinak huham ah thihnak le nunnak a um asi; cuticun mi zokhal in cumi a duhtu cun a rah an ei ding asi.

 

Na lei in a suahpi mi tongkam kha thaten na ruat sal asile na hmailamah ziangin a lo hngak ti na theithei ding. Thihnak a suahpi asile na hmailam ah a rah na ei dingih nunnak a suahpi asi khal le a rah na ei thiamthiam ding.

 

Lei in Siatnak a thlenter thei vekin lungrualnak le remnak daihnak khal a suahter thei:

 

Thuf. 25:15 Thinsaunak thawn uktu bawi hman kha lem a theih; Awkaa nem in thinlung hak hman a nemter thei.

 

Tikcu can la in nangmah te na khabe dawn aw la ruat sal hnik aw! Na kaa sungih na leisen fate khan mi paziat mitthli a tlakter ih thinlung a kuai ter? Mitthli tla mi paziat a hnem, an lung awi ter ih, mi rem aw derh mi ziangzat huat awknak a suahter ih mi rem aw lo ziangzat remnak a suah ter?

 

Mibum hmangin an bummi an hua bet:

 

Thuf. 26:28 Thuphan sim a hmangmi lei in bumnak a tuartu kha a hua A hrokhrawl mi kaa in siatsuahnak lawng a suahpi.

 

Mi na bum asile na bummi na hua bet ding. Mi huat na duh lole mibum hlah aw.

 

Huatnak thinlung thup le mi thangsiatnak simtu cu Bible in ziang a ti?

 

Thuf. 10: 18, Huatnak thinlung thup a neitu cu thuphan per an si, mi thangsiatnak a simtu cu mi aa an si.

 

Lei tan ding lakah na hmin a tel ve maw?

 

Thuf. 10:31, Miding pawl in fimnak thu kha an sim, Asinain mittha lo pawl ih lei cu tan a si ding

 

Na lei kha thal sai ding vekin thuphan per dingah a tiar cia ve maw?

 

Jer 9:3, An lei cu thal sai ding vekin thuphan per dingah tiarcia in a um ringring; Thudik si loin thuphan sawn in an ram a uk..

 

Thihnak thal thawn inn hnenah thangkap tu lei na nei ve maw:

 

Jer. 9:8, An lei cu thihnak thal a bang, Thuphan hlir an per. An innhnen ah ttongkam ttha an ttong nan, A ngaingai ahcun thang an kam a si.

 

Thlum zet in na hna sungah a lut theu mi tongkam lakah thihnak tur thawn tuah mi thal vek, na sunglam nun lo eisiat tu ding tongkam thangkam mi a um asi ti theih a tha. (Evi hna sungah a thlum zetmi tongkam cu a dinhmun hnakin fim deuh ding, Pathian bang nak ding kha a rak sinan thihnak tur thawn tuah mi thal vek a rak si ti kha a rak thei lo).

 

Zumnak nung le thi, mah le mah ka bum aw maw ti “lei” hman dan in theih theinak:

 

James 1: 26, Biaknak lamah ka taima a si a titu nan um maw? Nan hmurka nan uk thei lo ahcun nan zumnak parih nan taimaknak cu santlai lo a si ih nanmah le nanmah a bum awtu nan si.

 

Zumnak ah taima deuhdeuh, thlacam taima deuhdeuh, rawl ulh taima deuhdeuh, kawhhran upa, nubu upa, mino hruaitu, pastor, evangelist, Bible tlawng zirhtu, thusim thiam zetzet, thlacam ring thei zetzet,

Pathian thu rel paih zetzet, peknak ah taima zet, biaknak lam taima zet, khawm paih zet, cuvek pawl na hmu dah maw? A hmur ka a kai hrem thei lo ih midang thangsiatnak, mi relsiatnak tongkam lawnglawng a

suak zutzo ringring asile zangfakza, a mah le amah a bum aw rero tu asi ti theihsak mei aw. Nangmah tla na si pang maw? Burri dip sin in ningzak in vutcam phulh aw in tap rero ding na si.

 

Siarh bet aw, thuphan per Pathian in a huatzia:

 

Sam.52:2, Nang cun midang siatsuah ding na ngaihtuah; Na lei cu lumehnak namte vekin a hriam. Cat loin thuphan na per ringring. Thuphan per pawl: 120:3 3Maw thuphanper pawl, Pathian in ziangtinso

a lo ti hai ding? Ziangtin so a lo hrem daan ding cu! Thuf.. 21:6, Hrokhrawlnak in ngahmi sumsaw cu a zuangmi tikhu le thihnak thang an

si.

 

Lei hmandan phunhnih: Pathian hrang lole Satan hrang

 

James 3:9, Kan lei cu kan Bawipa le kan Pa Pathian thangtt;hatnak ah kan hmangih cule amah ih hmuihmel cuangih a tuahmi kan milaipi pawl camriamnak ah kan hmang lala. 10Thangtthatnak tt;ongkam le amriamnak

tt;ongkam cu kan kaa pakhat sung ihsin a suak. Ka u le ka nau tla, hi bangtuk in si ding a si lo. 11Cerh tipuut pakhat sungin ti thlum le ti kha an suak tlang dah lo. 12Ka u le ka nau pawl, theikung ihsin olif rah a rah dah lo; Sabit hri khal in theipi a rah dah lo.

 

Lei hmandan lamzin pahnih hril tengteng ding na nei: Cucu na hril zomi asi; na lei na hmandan zoh aw la khuimi lamzin na zawh ti thei aw mei aw;

 

1) Na lei thawn Pathian le a hmuihmel kengin Pathian in a sersiam mi milai pawl na thangthat ding maw,

2) Pathian hmuihmel keng milai thangsiat riahsiat ter tahratin Satan na rian ding maw?

Lamzin pahnih na zohkop thei lo, zawh vekin na thei aw aw khal le na bum aw aw asi.

 

A netnak ih ka lo forh duhmi cu: ruahnak khat le thinlung khati'n um uh; unau bangin pakhat le pakhat duhdaw aw uhla zaangfahnak nei in thinlung nemin um uh. tthat lonak cu tthat lonak in lehrul hlah uh,

siatcamnak khal siatcamnak in lehrul hlah uh; thlawsuahnak thawn lehrul sawn uh. Ziangah tile Pathian in a lo kawh tikah thlawsuahnak petu si dingin a lo ko. 10Ca Thianghlim sungah, "Nunnom a duhtu le caan tt;ha a duhtu cun tt;ongsia ih tt;ong sup sehla thuphan per nawn hlah seh. 11"A tt;ha lomi cu tlansan in tt;hatnak tuah seh. A thinlung zatein daihnak hrangah tt;uan seh. 12Ziangah tile Bawipa in miding cu a zoh ttha ih an thlacam a theihsak a si. Sikhalsehla tt;hat lonak a tuahtu

cu a dodal a si," *3:10-12 Saam 34:12-15 tiah a ti.

Comments